Jylaımyz ba, kúlemiz be?! «Qyzǵa qyryq úıden tyıý» dep atam qazaq beker aıtpasa kerek. Qazirgi zamanda qyz tárbıeleýdiń ózi úlken ýaıymǵa aınaldy. Úlkenge qurmetti, kishige izetti umytqan búgingi qoǵamda keı qyzdarymyzdyń qylyǵy jaǵa ustatatyn deńgeıge jetti. Eki kúnniń birinde dárethanadan bala taýyp, baýyrymyz ezilip edi. Endi, mine, 22 jastaǵy Merýerttiń «baı demeýshi izdeımin» degen ashyq haty jyǵylǵanǵa judyryqtaı tıip otyr. Ózekti órteıtini, jazyp otyrǵan ózimizdiń qara kóz qazaq qyzymyz, dep habarlaıdy Qamshy.kz Baq.kz saıtyna silteme jasap.

«Atyń shyqpasa, jer órteniń» keri me, kim bilsin... Keshe Merýert esimdi qyz áleýmettik jelidegi jeke paraqshasyna qymbat kıim kıip, jeke páterde turyp, joǵary deńgeıde ómir súrgisi keletinin, al osy maqsatqa jetý úshin «baı demeýshi» izdeıtinin esh boıamasyz jazyp qoıǵan.

Merýerttiń talaby boıynsha, «demeýshisi» jasy 35-ten aspaǵan, boıy 180-nen joǵary tek qazaq bolýy kerek. Sondaı-aq, bilimdi, aqyldy, qyzyqty, jomart ári adamgershiligi zor bolýy shart.

Ózi, jazbasyna qaraǵanda, almatylyq, Almaty qalasynda turady. Tárbıeli otbasydan shyqqan. Jasy 22-de. Tipti, ýnıversıtetti «qyzyl dıplommen» aıaqtapty. Biraq, ázirge, jumyssyz eken.

«Shynymdy aıtsam, jumys istegim de kelmeıdi, sebebi qolymnan túk kelmeıdi. Biraq óte qyzyqty ári sulý qyzbyn. Boıym 168, salmaǵym 52 kg. Modelge uqsaımyn», - dep jazǵan demeýshi izdegen arý.

Merýerttiń bolashaq demeýshige qoıar talaby: Almatynyń elıtti aýdanynda ornalasqan evrojóndeý júrgizilgen jeke páterde turǵysy keledi. Bir aıǵy shaı-paıyna 1 mln teńge jetedi dep otyr. Ádemi nómerimen Aıfon 7 telefony bolǵanyn qalaıdy. Ázirge kólik aıdaı almaıdy, sondyqtan taksımen júrip-turmaqshy.

Ne nárseniń tek qymbaty men sapalysyn qalaıtyn sylqym ómirden bar jaqsyny molynan alǵysy keledi eken.

«Qarapaıym jigitter maǵan tıisti deńgeıde qamqor bola almaıtynyn jaqsy túsinemin) Bar qalaýym, joǵary deńgeıde ómir súrý. Bul qylmys emes, meniń jeke qalaýym», - dep aqtalmaq boldy arý.

«P.S. Naqty usynystarmen jekege jazyńyzdar. Eger qalaýymdaǵy er azamat tabylsa, men onymen kezdesýge daıyn ekenime ýáde beremin. Keıin birge sýretke túsip, ony jeke paraqshama jarıalaıtyn bolam. Barshańyzǵa razmet!)», - dep aıaqtaǵan óz jazbasyn ol.

Osylaısha, jeke ómirin realıtı-shoýǵa aınaldyrǵan Merýert, eger basy bos bolsa, bolashaq demeýshisimen otaý qurýǵa da dámeli.

Qyz qylyǵynyń aq-qarasyn oqyǵan jurt ózi ajyrata jatar. Qorqatynymyz, Merýerttiń munysy vırtýaldyq vırýsqa aınalyp ketpese ıgi.

Bir ókinishtisi, Merýert syndy qyzdar elimizde az emes. Al bizdiki, jalqaý qyzǵa jarnama jasaý emes, kez kelgen ata-ana qyzdarynyń tárbıesine tereń mán berip, ult urpaǵynyń jalǵastyrýshysy ekenin esten shyǵarmasa eken degen tilek qana.