Májilis depýtaty Bekbolat Tileýhan Bilim jáne ǵylym mınıstriniń atyna saýal joldap, onda Qazaqstan mektepterine Ahmet Baıtursynulynyń álippesin engizýdi surady, - dep habarlaıdy Qamshy.kz Baq.kz – ke silteme jasap.

«1913 jyly Alash ardageri Axmet Baıtursynuly basyp shyǵarǵan, ǵasyrdan astam mıllıondaǵan jasórkenge oqý-jazýdy úıretken, qazaqqa azyq bolyp kelgen, tili jeńil, 105 jyldyq tájirıbeden ótken álippe neden jazyqty boldy? Erlan Kenjeǵalıuly, osyǵan jaýyp berińizshi», - deıdi depýtat.

B. Tileýhan ózge elderdi mysal retinde keltire otyryp, mınıstrden resmı jaýap kútetinin jetkizdi.

«Osynyń ornyn basqan Saýat ashý degen bar. Saýat ashý degen oryssha «lıkvıdasıa bezgramatnostı» dep aýdarylady. Bul býyny qatpaǵan jas balaǵa emes, eresek adamǵa arnalǵan. Slován xalyqtarynyń «Býkvari» 1618 jyly jaryq kórgen. Tórt ǵasyrǵa jýyq tarıxy bar. Zamanǵa saı ózgertilip, tolyqtyrylyp otyrady, onyń ózinde kemi bes jyl tájirıbeden ótkizbeı kirgizbeıdi. Al biz she? Birinshi synyptyń balasyna orys, aǵylshyn tilin qosyp oqytyp mıyn ashytamyz. Úshtildilik qajet. Biraq ony birinshi synyptan bastaý durys emes», - deıdi B. Tileýhan.