El Táýelsizdiginiń 25 jyldyǵyna arnalǵan aıtýly is-shara Aqsheńgeldi aýyldyq okrýginde ótti. «Baq qonǵan, qut daryǵan - aýylym» taqyrybymen ótken merekelik sharaǵa qatysqan turǵyndar aýylsharýashylyǵy ónimderiniń kórmesin tamashalady. Aýyldaǵy Mádenıet úıiniń foesinde «Aq altyn» jáne «Egizqum» jalpy orta mektepteri men «Dınara» jáne «Qarlyǵash» balabaqsha ujymdary daıyndaǵyn qolóner, salt-dástúr, qylqalam, kitap kórmeleri qoıyldy. Bul týraly Shardara aýdany ákiminiń baspasóz qyzmeti habarlaıdy.
Merekelik is-shara aýyl jastarynyń fleshmobymen bastaldy. İs-sharaǵa arnaıy qatysqan aýdan ákimi Arman Abdýllaev aýyl turǵyndaryn Táýelsizdiktiń 25 jyldyq merekesimen quttyqtady.
Qurmetti jerlester! Elbasymyz Nursultan Ábishulynyń sara jolymen júrip kele jatqanymyzǵa 25 jyl tolyp otyr. Osy kezeńderdegi eleýmettik-ekonomıkalyq jaǵdaılardyń barlyǵyn da kóz aldymyzdan ótkerdik. Búgingi tańda damyǵan elderdiń qatarynan kórinýge nyq qadam jasap kele jatqan Qazaqstandy búkil álem tanyp, moıyndap otyr. El Táýelsizdiginiń 25 jyldyǵyna arnap jasap jatqan merekelerińizge qutty bolsyn aıtamyn, - dedi Arman Aıdaruly.
Aýdan basshylary munan keıin aýylsharýashylyǵy kórmesin aralady. Aqsheńgeldi aýyly "Agrobıznes -2020" baǵdarlamasy aıasynda malshylyqpen pen dıqanshylyqty qatar ıgerip kele jatqan berekeli aýyl. Ásirese, aýyl dıqandary ónimniń barlyq túrin egýmen aınalysyp, nápaqasyn Jer-anadan aıyryp keledi. Berekeli aýyldyń molshylyǵy kórmeden de kórinis tapty. Sharýa qojalyqtar Táýelsizdiktiń 25 jyldyǵyna aýylsharýashylyǵy ónimderiniń 25 túrin shyǵaryp, kórmege usyndy. «Rahym» sharýa qojalyǵynyń tóraıymy Amankúl Naımanbaı ıntensıvti baq retinde otyrǵyzǵan almasy men aıvasyn ákelgen eken. Baǵban kelinshek: 5 gektar alqapqa jemis aǵashtaryn otyrǵyzǵan edik, endi ónimin alyp jatyrmyz. Jaz boıy alma ónimderin aýyl arasyna qol jetimdi baǵamen ótkizdik. Almamyz áli jas, aldaǵy ýaqytta ónim kólemi arta túsedi dep otyrmyz. Ónimdi ótkizýde eshqandaı problema joq, halyq tátti almany jaqsy alyp jatyr, - dep aýdan basshysyn qojalyqtyń jaı-kúıimen tanystyryp ótti.
Aýdan basshylary munan basqa da kórmege qoıylǵan «Altynbek» qojalyǵynyń almasyn, «Tájihan» sharýashylyǵynyń qyryqpa qaýynyn, «Salyqbaı» sharýashylyǵy óndirgen júzim, jerjańǵaq daqyldaryn, «Oral» sharýashylyǵynyń qara darbyzyn, «Beıbit» sharýashylyǵynyń sábiz, mash, piste, pıaz ónimderin, «Jandos» sharýa qojalyǵynyń qyzynaq, qıar, bolgar buryshy kókónisterin, «Shapaǵat» sharýashylyǵy óndirgen bıdaı men júgerisin tamashalady. Sonymen birge, Shymqaladaǵy «Muztaý» dámhanasy attaı qalap alyp otyrǵan «Aqilgek» qojalyǵy daıyndaǵan túıe qymyranyna da jurtshylyq kóńil aýdaryp qarap, dám aýyz tıdi. Aýyl turǵyndary shyǵarǵan qoldyń qurty men sary maıy da, qymyzy men qaımaǵy kórmeniń sánin asha tústi desek bolǵandaı.
Mádenıet saraıynda aýyldyń eleýmettik-ekonomıkalyq damýyna atsalysyp júrgen memlekettik qyzmetshiler men qoǵamdyq jumystardyń ortasynda jastarǵa tálimdi tárbıe berip júrgen aýyl bılerine, kásipker azamattarǵa, úzdik muǵalimder men dárigerlerge aýdan ákiminiń marapattary tabys etildi. Aýdan basshysy munan keıin aýyl aqsaqaldarymen dóńgelek ústel ótkizdi. Jıyn barysynda aýyldyń tynys-tirshiligi, bereke-birligi jóninde keleli áńgimeler aıtylyp, azamattar oı-pikirlerimen bólisti.
