Bul týraly Aımaqtyq komýnıkasıalar qyzmetinde «Táýelsizdik jetistikteri» taqyrybynda ótken brıfıńte oblystyq aýyl sharýashylyǵy basqarmasynyń basshysy Serik Turbekov málim etti, dep habarlaıdy OQO ákimdiginiń baspasóz qyzmeti.

Onyń aıtýynsha, egin sharýashylyǵy boıynsha júrgizilgen júıeli ártaraptandyrýdyń arqasynda 1991 jylmen salystyrǵanda maıly daqyldardyń egis kólemi 73 myń ga. 80 myń gektarǵa, baqsha 49 myńnan 59 myń ga., al kókónis 27 myń gektardan 40,4 myń ga, kartop toǵyz myń gektardan 15,3 myń ga artqan. Sonymen qatar, egis kólemimen qatar alynǵan ónim kólemi de artqan. Máselen, 1991 jyly oblys boıynsha 163,4 myń tonna kókónis jınalsa, bıylǵy jyly 866 myń tonnaǵa, ıaǵnı bes esege artyp otyr.

Brıfıńte málim bolǵandaı bıylǵy jyly ortasha eseppen - 470 myń tn. astyq jınalyp, túsimdiligi ortasha 22 sn/ga. quraǵan. Al 1991 jyly astyqtyń túsimdiligi gektaryna 17,8 sentner bolǵan. Ońtústik sharýalary ózderiniń eńbekqorlyǵymen Qazaqstannyń Táýelsizdik kezeńindegi eń úlken rekordtyq kórsetkishke qol jetkizip otyr.

«1999 jyldyń aıaǵynda burynǵy 182 ujymshar-keńshar jáne memlekettik sharýashylyqtar bazasynda jeke menshikke negizdelgen 20 myńnan astam aýyl sharýashylyǵy qurylymdary paıda boldy. Búgingi kúnge olardyń sany 70 myńnan asty. Sondaı-aq, memlekettiń aýyl sharýashylyǵy salasyn tikeleı qoldaýy men oblys ákimdigi tarapynan júrgizilgen júıeli jumystyń nátejıesinde, 2010 jyldan bastap mal sharýashylyǵynyń ónim úlesi 45%, al ósimdik sharýashylyǵynyń úlesi 55 % qurady»,-dedi basqarma basshysy.