Kolýmbıanyń Medellın qalasynyń mańynda Brazılıanyń «Shapekoense» (Shapeko) fýtbol komandasy mingen jolaýshylar ushaǵy apatqa ushyrap, saldarynan 81 adam qaza tapty. Aqparatqa sáıkes, LAMIA Airlines kompanıasynyń laınerimen ushqan 81 adamnyń 72-si jolaýshy, al qalǵan 9 adam ekıpaj múshesi bolǵan. Ushaqtardyń áýedegi jaǵdaıyn baqylaıtyn birqatar saıttyń habarlaýynsha, ushaq ekıpajy baılanys úziler aldynda bortta tótenshe jaǵdaı jarıalaıtyny týraly dıspecherge baıandaǵan. Oqıǵaǵa baılanysty Medellın qalasynyń meri apat bolǵan jerge attandy. Birqatar BAQ taratqan aqparatqa sáıkes, ushaq apatynan tiri qalǵandar bar eken. Kolýmbıa polısıasy 75 adamnyń qaıtys bolǵanyn naqtylady.

Ushaqtardyń áýedegi jaǵdaıyn baqylaıtyn birqatar saıttyń habarlaýynsha, ushaq ekıpajy baılanys úziler aldynda bortta tótenshe jaǵdaı jarıalaıtyny týraly dıspecherge baıandaǵan. Oqıǵaǵa baılanysty Medelın qalasynyń meri apat bolǵan jerge attandy. 

Apat bolǵan ushaqtaǵy  fýtbolshylardyń jalpy ekonomıkalyq quny 24 mıllıon eýroǵa baǵalanǵan. Quramanyń eń qymbat oıynshysy 31 jastaǵy Marcos Danilo Padilha. 1.85 metrlik boıy bar qaqpashynyń jeke quny 1.75 mıllıon eýro.

Jedel járdem men qutqarýshylar apat oryn alǵan jerge shyǵyp ketti. Ushaqtyń ne sebepten qulaǵany áli belgisiz.