Kúıeý tabaq – qazaq kúıeý balany da ata jolymen, aq dastarqanymen ornyna qaraı kúte bilgen ǵoı. Qazaqtyń jolyn, saltyn biletin  kúıeýler qaıyn jurtyna kelgende ádepti, tártipti, ıbaly joldy bolyp otyrady. Tórge shyqpaıdy, qaıyn ata, qaıyn enesiniń bas jaǵyna, oń jaǵyna joǵary  shyǵyp otarmaıdy, tósegine shyqpaıdy. Kúıeýdiń jaqsy-jaǵymdy qasıetine rıza bolǵan qaıyn jurty «paıǵambar da kúıeý balasyn syılaǵan» dep kúıeýge aqsarbas qoı soıady da, «kúıeý tabaq» tartady. Kúıeý tabaqqa asyq jilik, tós, ortan jilik, súbe qabyrǵa, arqa, beldeme, qaryn, toq ishek salady. Muny qazaq kádesinde «kúıeý tabaq» dep ataıdy, ata qazaqta taǵy da «kúıeý kúl astynan» degen támsil bar. Ony keıde «kúıeý gúl astynan» dep te erkeletip qoıady. Meıli kúl, meıli gúl astynan shyǵarsyn, báribir kúıeý joly basqa ot astynan oınap shyqsyn, gúl astynan jaınap shyqsyn, qaıyn jurty úshin qashanda kúıeý qadirli bolmaq, ystyq bolmaq. «Kúıeý tabaq» degen syıly sybaǵa da sony tolyq aıǵaqtmaq, dáleldemek.

Bolat Bopaıuly Jota Qajy