«Bloomberg» 2017 jylǵa álemdegi bolýy múmkin saıası ózgeristerge boljam jasady. Atalmysh baspa 2016 jylǵa da óz boljamdaryn jasap, onyń birnesheýi týra keldi. Máselen, Donald Tramp AQSH prezıdenttik saılaýynda jeńip shyǵatyny, Anglıanyń EO shyǵatyny týraly aıtylǵan.
Eýropadaǵy daǵdarys
«Bloomberg» 2017 jyly Fransıanyń prezıdenttik saılaýynda Marın Le Pen jeńiske jetip, Fransıanyń EO shyǵý týraly referendým ótkiziledi dep boljaıdy.
Sonymen qatar Shengen aımaǵy joıylady degen oıda.
Germanıada Angela Merkel saılaýda jeńilis tabady. Al Italıadaǵy «Bes juldyz» partıasynyń kóshbasshysy Beppe Grıllo bılikke kelip, ıtalıandyq lırany qaıta engizý týraly referendým ótkizedi.
Al Qurama Koroldiktegi Tereza Meıdi, Brekzıt boıynsha odan da qatal saıasatty ustanatyn úmitker basyp ozady.
Gresıada ekonomıkalyq daǵdarys jalǵasa beredi. Alaıda, bul joly eshandaı qarjylyq kómek kórsetilmeıdi.
AQSH Tramptyń máselesi
2017 jyly AQSH-ta Tramptyń ataǵy birden asqaqtap ketedi. Oǵan salyqqa qatysty salmaqty reformanyń da áseri bolady.
Kalıfornıada jańa prezıdentke qarsy saıası opozısıa qalyptasady. Donald Tramp Ortalyq Azıaǵa áserin kúsheıtip, esirtki tasymaly úshin Aýǵanstanda óz bıligin nyǵaıtý maqsatynda AQSH-tyń NATO-daǵy jáne BUU músheliginen bas tartady.
Soltústik Koreıa óz zymyrandaryn ıadrolyq jabdyqtarmen qamtamasyz ete alatyn dárejege jetkende, AQSH-tyń Azıaǵa áseri álsireıdi. Ol Donald Trampty Qytaıdan kómek suraýǵa májbúr etedi.
Donald Tramp AQSH pen Kýbanyń qarym-qatynasyn dıplomatıalyq jolmen retteý prosesin toqtatady. Bul araldyń reseılik arnaıy qyzmetke esigin aıqara ashýyna túrtki bolady.
Tramp pen Pýtınniń qarym-qatynasyna syzat túsedi.
Saýd Arabıasy jáne munaı
Murager hanzada Muhammed bın Salmannyń orynbasarynyń álemdegi iri munaıdyń óndirisin ártaraptandyrý áreketi iske aspaıdy.
Jeńildikterdiń jańa salyqtarmen almastyrylýy ómir súrý deńgeıiniń tómendeýine ákeledi. Sonyń saldarynan halyq narazylyǵy kúsheıedi.
Saraıdaǵy tóńkeris bılikke koróldik otbasynyń jańa múshesin alyp kelýge májbúrleıdi. Ol tańdalǵan muragerdi shetke ysyryp, reformany toqtatady.
Tramp Jaqyn Shyǵys, Amerıka úshin úlken másele emes degen toqtamǵa keledi. Al Saýd Arabıasymen Irannyń qarym-qatynasy tikeleı qarýly qaqtyǵyspen aıaqtalady.
Munaı men gaz eksporty qysqarady. «Saudi Aramco» Ulttyq munaı kompanıasyn jekeshelendirý jospary iske aspaı qalady. Saýd Arabıasy ulttyq valútasyn devalvasıaǵa ushyratady.
