Memleket basshysy Nursultan Nazarbaev ózin baqytty saıasatker dep atap, bılikke kelgen saıasatkerdiń ne jaıly oılaýy kerek ekenin aıtyp berdi, - dep habarlaıdy Tengrinews.kz tilshisi.
"Eldegi joǵary bılikke kelgisi keletin adam nemen, qandaı josparlarmen keletinin, ne istegi kelip, memleket pen halyqty qandaı bıikke kótere alǵysy keletinin naqty bilip kelýi kerek. Eger ol usynǵany. óz qyzmetin tolyq oryndaı alsa, ol baqytty saıasatker. Jasyrmaı aıtaıyn, men sondaı saıasatkermin. Sol úshin de taǵdyryma jáne birge eńbek etkenderdiń bárine rızamyn", - dedi Nursultan Nazarbaev "Habar" telearnasyndaǵy "Táýelsizdik taǵylymy" baǵdarlamasynyń qonaqtaryna.
Memleket basshysy uzaq jasaý men energıany Qazaqstandy álemdegi eń damyǵan 30 eldiń qataryna engizýge degen armanynyń syılaǵanyn atap ótti.
"Biz soǵan umtylamyz jáne "Qazaqstan-2050" strategıamyz osy otyzdyqqa jaqyndaý úshin barlyǵyn jasap jatyr, barlyǵy qamtylǵan. Inovasıalyq damý da, "Nurly jol" da, agrarlyq bıznes te, densaýlyq saqtaý da, bilim berý de, adam resýrstary da - soǵan sáıkes qylý úshin barlyǵyn jasap jatyrmyz. Sonda adamdar osy otyz eldegi halyq sekildi jaqsy ómir súretin bolady. Bul arman, arman bolsa, ómir árqashan uzaq, sebebi sol armanǵa qol jetkizý kerek. Arman bolsa, energıa paıda bolady, sol armandy oryndaýǵa jumsalýy kerek. Sizder men bizde sondaı arman bar. Júzege asyrý úshin talmaı eńbektenemiz", - dedi Prezıdent.
Al osy armandy oryndaý úshin, Nazarbaevtyń aıtýynsha, jastarǵa laıyqty bilim berip, eńbekke baýlý kerek.
"Bul meni qatty alańdatady, osy zamanǵy talaptardyń deńgeıine barlyǵymen birlesip qalaı shyǵamyz? Eger osy qarqynmen jumys isteıtin bolsaq, 25 jyl boıy birlese, senimmen jumys istesek, qol jetkizemiz", - dedi Prezıdent.
"Jas býynǵa osylaı bola salǵandaı kórinedi. Bireýdiń aıtqany bar edi, jamandyq ta, jaqsylyq ta umytylady dep, ókinishke qaraı, jaqsylyq tezirek umytylady. Sondyqtan biz bul týraly aıtyp otyrýymyz qajet. Osynyń bárin óz ıyǵynda arqalap ótken adamdarǵa, onyń aýyrtpalyǵyn bári biletindeı kórinedi. Joq, biz jas kezimizde ata-anamyz ne kórgenin bildik pe? Sosyn, tarıhty oqı otyryp, bir nárselerdi túsindik, biraq, jeńil túrde, basqasha. Sondyqtan barshańyzǵa aıtylǵan sózder úshin alǵysymdy bildiremin. Men árbirińiz: "Men bárin aıtpadym, anany eske túsirý kerek edi, mynany eske túsirý kerek edi", dep oılap otyrǵandaryńyzǵa senimdimin. Men sizderdi túsinemin. 25 jyldyqtyń bıiginde otyrǵanda qandaı oılar keledi? Eń aldymen osynsha kúshpen jetkendegimiz árbir adamnyń jeke jáne jalpy halyqtyń baqyty, óıtkeni qazaqtar men qazaqstandyqtar tarıhynda bizdiń azamattarymyz mundaı ómir keshpegen dep tolyq senimmen aıta alamyn. Osyny bireý joqqa shyǵaryp kórsinshi. 1993 jáne 2015 jyldy salystyryp kóreıik. Al 2015 jyl daǵdarys jyly edi. Al 2014 jyldy alsaq, biz 25 ese óstik. Al satyp alý múmkindigin salystyrsaq, Qazaqstan 35 esege ósti. JİÓ boıynsha da dál osyndaı kórsetkishter. Biz rasymen "ekonomıkalyq ǵajaıypqa" qol jetkizdik, muny moıyndaý kerek. Biz adam ómirin 21 esege jaqsarttyq, olardyń tabysyn. Biz 25-30 jasqa kelgen jas býynda tárbıeledik. Bul býyn ósip, biz kórgen qıyndyqtar týraly bilmedi, osy áńgimeler sol azamattarǵa baǵyttalǵan. Olardy jaqsy ómiri bizdiń eńbegimizben, bizdiń býynnyń arqasynda kelgenin baǵalasyn. Bizde shetelge shyǵý múmkindigi bolǵan joq, bizdi jibermeıtin", - dep áńgimeledi Elbasy.
