Shymkent qala aýmaǵynda jekemenshikte 3 mal soıý beketi jáne 7 mal soıý alańshasy ashylǵan. Kúnine onda 200-220 bas iri qara jáne 200-300 bas ýaq mal soıylady. Haıdar Dýlatı men Mádeli qoja kósheleriniń boıyndaǵy mal soıý alańshalary veterınarıalyq-sanıtarlyq talapqa saı kelmegeni úshin sottyń sheshimimen jabyldy.

Qalanyń syrtynan sol mal soıý alańshasyna arnalǵan 5 gektar jer bólindi. Qalalyq sáýlet jáne qurylys bólimi mamandary jobasyn jasap jatyr. Joǵaryda aıtylǵan mal soıý beketteri jabylǵan jeke kásipkerler jáne osyndaı oryndardy ashýdy oılastyryp júrgen azamattarǵa sol aımaqtan jer beriledi.
Qazirgi tańda, «Shymkent qalasynda janýarlardy asyraý qaǵıdasy» jobasy ázirlenip,bekitildi. Onda qalanyń bas josparyna sáıkes qala turǵyndarynyń mal ustaýy boıynsha jańa erejeler usynylǵan. Bul jobany oblystyq aýylsharýashylyǵy basqarmasyna oblystyq máslıhattyń bekitýine joldadyq. Qaǵıdaǵa saı qala aýmaǵy 3 aımaqqa bólinedi. Munda qalada jaıylymnyń jáne maldy aıdap ótetin kóshelerdiń joq bolýyna baılanysty birinshi aýmaǵynda mal ustaýǵa tyıym salynady. Ekinshi aımaqta turatyndar shekteýli mal basyn ǵana asyraı alady. Úshinshi aımaqta mal ósirýge ruqsat etiledi. Bul jobanyń kartasy da jasaldy.

 Bıyl sharýalarǵa 500 tonna mıneraldy tyńaıtqysh jospar boıynsha berilgenin aıta ketý kerek.

Eldos Simetbaev