Shymkent aýmaǵyndaǵy jerdiń 62 219 gektary aýyl sharýashylyǵyna paıdalaný maqsatynda berilgen. Qalaǵa jaqyn mańdaǵy eldimekenderdiń qosylýy esebinen agroqurylymdardyń sany bıyldyń ózinde 3,5 myńǵa artty. Qazir qalada barlyǵy 4152 sharýa qojalyǵy tirkelgen bolsa, olar mal basyn kóbeıtýmen qatar óz ónimderin shyǵaryp jatyr.  Shymkent qalasynyń 2020 áleýmettik-ekonomıkalyq damý tujyrymdamasyna sáıkes aýyl sharýashylyǵy salasyn damytýda kelesi jyldan bastap  birshama ózgerister oryn almaq. Iaǵnı, ónim kólemin arttyramyn degen dıqandarǵa qoldaý kórsetiletin bolady. 

Iá, bul maqsatty júzege asyrýda jalpy 1221 gektar jer bólinetin boldy. Atap aıtqanda, onyń 5 gektarynda mal soıý alańdary, 136 ga ındýstrıaldyq tamaq ónerkásibi, 300 ga qarqyndy baý egýge, 200 ga jylyjaı kesheni, 100 ga gúl jáne aǵash pıtomnıgin qurý, 100 ga kókónis pen baqsha egý, 380 ga jerge mal sharýashylyǵyn damytýǵa beriledi. Mundaǵy basty maqsat – sharýalarǵa qoldaý kórsete otyryp, sapaly ónim alýdy kóbeıtý. Aýylsharýashylyq ónimderin óndirýde ıntensıvti baý egý, jylyjaıda tamshylatyp sýǵarý sekildi jańa tehnologıalardy qoldanǵan, aýyspaly egisti júzege asyrý men asyl tuqymdy mal basyn kóbeıtýge qyzyǵýshylyq tanytqan sharýalarǵa jaǵdaı jasalady. Degenmen, ónim alýda meılinshe ozyq tehnologıalardy qoldanǵandyǵy eskeriledi. Jaı ǵana emes, bir aınalymda 400-500 tonna kókónis berýge laıyqtalǵan fermerlik jylyjaılardy kóbeıtsek deımiz. Ekinshi jaǵynan ónimniń sapasyn jaqsartýda qolǵa alýda ǵylymı-zertteý ınstıtýttarynyń mamandaryn tartyp jatyrmyz. Sharýalar men ǵalymdardyń basyn qosyp, eldimekenderde semınarlar ótkizýdi kelesi jyly kóbeıtemiz.

Ǵanı Qurmanbaı

Qalalyq aýyl sharýashylyǵy jáne veterınarıa bóliminiń basshysy

http://kazrabat.kz/