Shymkentte mal sharýashylyǵy óristeı bastady. Qalaǵa jańadan qosylǵan eldikemenderdegi sharýa qojalyqtarynyń esebinen búginde mal basy artyp otyr. Bordaqylaý alańdary kóbeıip, iri qaraǵa da betburys beri qarap keledi.Buǵan dálel retinde túrli sharýa qojalyqtarynyń jemisti de tabysty eńbegin sóz etýge bolady.

Jaýapty mamandar mal sharýashylyǵy osy qarqynyn joǵaltpasa, oblysty etpen qamtýǵa Shymqala sharýashylyǵynyń áleýeti jetedi dep sendiredi.

Osydan 6 jyl buryn kishigirim bir qorada 90 bas iri qarany semirtýdi bastaǵan «Raý» sharýa qojalyǵynda qazir 500-ge tarta iri qara mal bordaqylanyp jatyr. Jergilikti tuqymdardan munda Soltústikten satyp alynǵan aqbas, shved sıyrlary da baptalýda. Mal basyn taǵy 300-ge arttyrý jospary tur.Bizdińshe bul josparǵa jetý sharýa qojalyǵy úshin úlken qıynyq bola qoımas. Óıtkeni bastysy alǵa qoıylǵan maqsat bar. İs qımyldar jospary da ázirlengen. Osynyń bári túptiń túbinde otandyq sharýashylyqtyń damýyna jaqsy serpin bereri anyq.

Jeńildetilgen nesıe — mal bordaqylaýdy qolǵa alǵan sharýa qojolyq ıeleriniń barlyǵyna derlik ortaq arman. Salaǵa tıesili memlekettik qamqorlyq artsa, ep-septi sharýalar Shymqalanyń jaıly aýa raıynda bul salany urshyqtaı ıirip áketpek.

Anar Jarqynqyzy