Aýylsharýashylyq salasyna qolaıly Túlkibas aýdanynda asyl tuqymdy

mal sharýashylyǵyn damytý erekshe qolǵa alynyp, mal basy jyldan-jylǵa artyp keledi. Aýdandaǵy árbir sharýashylyq asyl tuqymdy mal basyn arttyrýdy qolǵa alǵan. Óıtkeni asyl tuqymdy maldar etti jáne satýǵa yńǵaıly bolady.
Búginde aýdanda asyl tuqymdy 3008 bas iri qara mal, 755 bas jylqy bar. Onyń ishinde osydan 3 buryn Avstralıa elinen ákelingen Jabaǵyly aýylyndaǵy angýs jáne gereford asyltuqymdy iri qara maldar jersinip, tóldep mal basy 800-ge jetken. Sonymen qatar Kereıt aýylyndaǵy Reseı, Túrkimenstan, Qyrǵyzstan elinen ákelingen sáıgúlikter respýblıkada ótkizilgen túrli jarystarǵa qatysyp, aýdan mereıin ústem etýde. Qazir onda 180- ge tarta asyl tuqymdy sáıgúlikter bar.
Jalpy aýdanda mal sharýashylyǵyn damytý, maldardy asyldandyrý memlekettik baǵdarlamalary tolyq oryndalyp otyr.
Máselen bir ǵana «Sybaǵa» memlekettik baǵdarlamasy boıynsha 2016 jylǵa jospar 100 bas analyq alý bolsa, 364 bas analyq, 12 bas buqa satyp alynyp, jospar 3,6 ese oryndaldy. Sonymen qatar «Altyn asyq», «Qulan» baǵdarlamalary aýdanda berilgen mejeden artyǵymen oryndalýda.

Aýyl sharýashylyǵy ónimin óndirýde  jeri óte qolaıly aýdanda 3343 sharýa qojalyq pen 5510 jeke kásipker bar. Sondaı-aq, aýdan aýmaǵyndaǵy ónim óndirýdiń negizgi úlesi: «EkoProdýktGrýpp» AQ, «Túlkibas ák zaýyty» JSHS, «Sastóbe sement» JSHS, «Túlkibas melkombınaty» JSHS, «Avenú» JSHS, «Balyqty kirpishi» JSHS kásiporyndaryna tıesili.