Ankarada ótip jatqan fotokórme ústinde RF-nyń Túrkıadaǵy elshisi Andreı Karlovty belgisiz bireý atyp ketken, - dep habarlaıdy Qamshy.kz Hurriyet-ke silteme jasap.

Derekkózderdiń habarlaýynsha, qaskóı elshiniń kórmeniń ashylý sátinde sóılep turǵanynda tý syrtynan atqan. Ázirgeoq atqan adamnyń radıkal ıslamıst bolýy múmkin ekeni aıtylýda.

Jaraqat alǵan elshi aýyr jaǵdaıda aýrýhanaǵa jetkizilgen. Shabýyl kezinde A. Karlovtan basqa taǵy birneshe adamnyń jaraqat alǵany habarlandy. Sondaı-aq, shabýyl jasaýshynyń elshiniń qorǵaýshysy retinde birge kelgeni, ustalǵannan oń qaltasynan polısıa kýáligi tabylǵany aıtylýda.

Esterińizge salsaq, buǵan deıin habarlanǵandaı jaqyn kúnderi Túrkıanyń Syrtqy ister mınıstri Máýlit Chavýshoǵly Máskeýge baryp, Sırıa máselesi jóninde kelissóz júrgizýi kerek bolatyn.