«Qamshy» portaly oqyrmandaryn Reseıdiń Túrkıadaǵy ókiletti elshisiniń Ankarada qastandyqpen óltirilgendigi týraly aqparattandyrǵan bolatyn.
Ony atyp ketken jendet arnaýly jasaqpen 15 mınýttaı ýaqyt atysyp baryp, arnaýly jasaq qolynan qaza tapqan.
Reseı elshisimen qosa 3 kisi jaralanǵan.
Shabýyldaýshy oq atpastan buryn «Ia Alla, Bismillá, Sırıalyq beıbit turǵyndarǵa bomba jaýdyrdyńyz, Sırıanyń kegi alynady» dep aıqaılaǵan. Ol jalpy sany segiz ret oq atqan.
Oqıǵanyń sońynan, Moskvada ótýge tıisti Reseı, Túrkıa, Iran arasyndaǵy Sırıa máselesine baılanysty jıyn keıinge qaldyrylmaıdy dep málimdedi Reseı Memlekettik Dýmasy.
Al, Túrkıanyń Syrtqy ister mınıstri Máýlit Shaýyshoǵlo bolsa sol ýaqytta Reseıge jol júrip bara jatqan.
