Nepal polısıasy 15 jasar qyzdyń ólimin tekserip jatyr. Ony etekkir kelgeni úshin ýaqytsha úıden shyǵaryp, aýa az kiretin qoraǵa kóshirgen dep habarlaıdy bbc.com.

Polıseılerdiń aıtýynsha, Roshanı Tırýva jylyný úshin ot jaǵyp, tunshyǵyp qaıtys boldy. Qyzdyń denesin ótken demalysta ákesi tapqan. Oqıǵa Katmandýdan 440 shaqyrym jerde ornalasqan Achham aýdanyndaǵy kishkentaı aýylda bolǵan.

Ejelgi úndi dástúri boıynsha, áıelder etekkir kezinde jáne jańadan bosanǵanda «taza emes» bolyp esepteledi.

Nepal úkimeti 2005 jyly oǵan zań túrinde tıym salǵan. Alaıda, keıbir qaýymdarda áli kúnge deıin atalmysh dástúrdi jalǵastyryp keledi.

Jergilikti turǵyndardyń oıynsha, áıelge etekkir kelgen ýaqytta úıden kóshirip jibermese, aýylda baqytsyzdyq ornaıdy. Máselen, tabıǵı apat.

Qoǵamnan ýaqytsha oqshaýlanǵan áıelderge ádettegi tamaq bermeıdi jáne sút ishýge tıym salady. Qyzdar men áıelderdi malmen birge uıyqtaýǵa májbúrleıtin jaǵdaılar bolǵan. Keıde tipti aýyldan shyǵaryp jiberip otyrǵan.

Áıelder kóbine qysta muzdap, jazda ystyqtan japa shegedi. Ol egde jasqa jetkende psıhıkalyq aýrýlarǵa shaldyqtyrady eken.