Qamshy saıtynda «Májilis depýtaty kimdi ne úshin uryp jatyr?» degen materıal shyqqan bolatyn. Atalmysh vıdeo ǵalamtordy biraz shýlatty. Al, búgin Ratel.kz  saıtynyń tilshisi vıdeodaǵy keıipker, Tinikeevtiń «adamy» Nıkolaı Polevoıǵa qońyraý shalyp, shyn máninde oqıǵa qalaı órbigenin bilmekshi bolypty. Erekshe atap óter jaıt, Polevoı QR Májilis depýtaty Muhtar Tinikeevtiń jaqyn týysqany bolyp shyqty.

Polevoı myrzanyń sózi:

- Sizder kórgen vıdeo alǵashqyda agresıaǵa toly sıaqty kórinýi múmkin. Biraq, shyn máninde, erekshe eshnárse oryn alǵan joq. Men aryzymdy daıyndadym. Onda bul sharýa jeke máselemiz ekendigin aıttym. Bireýdiń kameraǵa túsirip, ony ǵalamtorǵa salýy – keleńsizdik.

Nıkolaı Polevoı birneshe ýaqyttan soń redaksıaǵa aryzyn joldapty.

 «Bul másele ekeýmizdiń jeke máselemiz. Ǵalamtorda taralyp ketken vıdeodaǵy áńgime otbasylyq sıpattaǵy dúnıe bolyp tabylady. Onda meniń de kinám bar. Men qatelestim. Sol sebepti BAQ ókilderin, áleýmettik jeli qoldanýshylaryn atalmysh vıdeony taratpaýlaryn, qate oılap, ózdiginshe sheshim shyǵarmaýlaryn ótinemin.

Taǵy da qaıtalap aıtaıyn, Muhtar Bákirulymen bala kezden dospyz, jaqynbyz. Bul bizdiń jeke máselemiz, bizge ǵana qatysty.

Polevoı Nıkolaı Grıgorevıch

21.12.2016».