Bul AQSH-taǵy saılaýǵa bir apta qalǵanǵa deıin boldy.

Barak Obama «qyzyl telefon» atalatyn Máskeý men Vashıngtondy baılanystyratyn jedel jelini AQSH-taǵy prezıdenttik saılaýǵa bir apta qalǵanda birinshi ret paıdalandy. NBC arnasynyń málimdemesi boıynsha, bul Reseıdiń AQSH-taǵy saılaý úrdisine kedergi jasamaýy úshin aldyn-ala qamdaný maqsatynda jasalǵan eken. Telearna óziniń málimdemesinde joǵary qyzmettegi derekkózderge súıenip habarlap otyr.

Aq úıdiń ókilderi de bul aqparatty rastap otyr. 31 qazan kúni jiberilgen joldaý nátıjesiz qalmaǵan, óıtkeni 8 qarasha, saılaý kúni «eshteńe bolǵan joq».

Keı málimetterge súıensek, Kremlmen mundaı jolmen baılanysýǵa úlken keńesshileriniń biri Obamaǵa keńes bergen.

«Halyqaralyq quqyq, onyń ishinde, qarýly qaqtyǵystarǵa da qatysy bar zańdar kıberkeńistiktegi áreketterge de taralady. AQSH Reseıdiń áreketin berilgen standarttan tys baǵalaıtyn bolady, dep aıtylǵan Obamanyń jazbasynda.

«Qyzyl telefon» saıası daǵdarys kezinde shuǵyl túrde baılanystyratyn júıe. Negizi bul ádettegi túsiniktegi telefon emes, elektrondy hattardy jiberetin júıe.

NBC Obamanyń ákimshiligi bul kanaldy buryn-sońdy koldanbaǵanyn aıtady.