Azamattardyń quqyqtyq sanasyn arttyrý maqsatynda, Qazaqstan Respýblıkasynyń Bas prokýratýrasy qadaǵalaý qyzmetiniń materıaldary negizinde «Prokýrordyń 100 keńesi» anyqtamalyǵyn ázirledi dep habarlaıdy QR Bas prokýratýrasynyń baspasóz qyzmeti.

Bul quralda zań turǵysynan kúndelikti ómirde jıi týyndaıtyn suraqtarǵa jaýaptar beriledi.

«Prokýrordyń 100 keńesi» - 9 bólimnen turady.

Olar: 1. Otbasyńyz úshin

           2. Turmystyq zorlyq-zombylyqty boldyrmaý jaıly

           3. Sizdiń bıznesińiz úshin

           4. Eńbek qatynastary boıynsha

           5. Quqyq qorǵaý organdarymen qatynastaǵy

           6. Terorızm men ekstremızmge qarsy is-qımyl jóninde

           7. Ózińdi alaıaqtardan qalaı qaýipsizdendirý kerek

           8.  Sot organdarymen qatynastardaǵy

           9. Ótinish berý kezinde.

Onyń árqaısysynda 10-20 keńes bar. Árqaısysyna jeke-jeke toqtalsaq.

1. «Otbasyńyz úshin» bóliminde – balanyń quqyǵy, bala joǵalyp ketken jaǵdaıda ne isteý kerek? Ata-ana qandaı jaǵdaıda ata-ana quqyǵynan aıyrady jáne alıment, balany balabaqshaǵa ornalastyrý t.b otbasyna qatysty halyq arasynda jıi týyndaıtyn saýaldarǵa jaýap beredi.
2. Turmystyq zorlyq-zombylyqty boldyrmaý jaıly. Bul bólimde otbasynda zorlyq-zombylyq kórgen adamǵa qandaı is-qımyl jasaý kerektigin, qaýip tóngen jaǵdaıda, zorlyq jasaýy múmkin adamdy zań turǵysyna ózińnen qalaı alshaqtatý kerek? Osy jáne ózge de máselege qatysty keńes beredi.
3. Sizdiń bıznesińiz úshin. Atalmysh bólimde - tekseris kezinde kásipkerdiń qandaı quqyqtary bar jáne ony tekserýshiler ony buzǵan jaǵdaıda ne isteý kerek? Kásipkerlerge memleket tarapynan kórsetiletin kómekter. Sonymen qatar, memlekettik satyp alýlar týrasynda neni bilý kerek? degen saýaldarǵa jaýap beredi.
4. Eńbek qatynastary boıynsha. Bul jerden siz -  jumystan qysqartylǵan jaǵdaıda jumyskerdiń qandaı quqyqtary bar? Eńbek quqyqtary buzylǵanda ne isteý kerek? Eńbek shartynda qamtylýy tıis bólimder jáne t.b suraqtar qamtylǵan.
5. Quqyq qorǵaý organdarymen qatynastaǵy bóliminen,  quqyqqorǵaý organdaryna sizdi qandaı jaǵdaıda jetkize alady? 72 saǵat boıy sizdi ne úshin ustaýy múmkin jáne sizdi kúdikti dep tanysa neni bilý kerek? Budan bólek basqa da kóptegen súraqtarǵa jaýap beredi.
6. Terorızm men ekstremızmge qarsy is-qımyl jóninde. Bul bólimnen jaqyn adamdaryńyzdyń azǵyndyrý tuzaǵyna ilinse ne isteý kerek? Kepilge alynsańyz ózińizdi qalaı ustaý kerek? Terakti kezinde ne isteý kerek, onyń tártibi. Terorızm men ekstremızmge qatysty kóptegen suraqtarǵa jaýap beredi.
7. Ózińdi alaıaqtardan qalaı qaýipsizdendirý kerek. Munda jerdi rásimdeý kezindegi alaıaqtyq, qarjylyq pıramıda, ǵalamtordaǵy alaıaqtyq, shart jasasý t.b máselelerge qatysty keńes beredi.
8. Sot organdarymen qatynastardaǵy. Atalmysh bólimnen qylmystyq is sotta qalaı qaralatyny, sot úkimine kim shaǵym túsire alady? Qandaı jaǵdaıda apelásıalyq shaǵym túsirý kerek? degen sekildi suraqtarǵa jaýap alyp, prokýror keńesin oqı alasyz.
9. Ótinish berý kezinde qajetti. Aty aıtyp turǵandaı, ártúrli sebeppen berilgen ótinishke qatysty barlyq suraqtarǵa derlik jaýap beredi. Máselen, sizdiń ótinishińizdi qaraıtyn adam nege mindetteledi? Ótinishińizge berilgen jaýapqa qanaǵattanbasańyz ne isteý kerek? Prokýratýra basshylyǵynyń jeke qabyldaýyna jazylý úshin ne isteý kerek? Osy jáne ózge de suraqtardy atalmysh bólimnen oqı alasyz.

«Prokýrordyń 100 keńesin» árbir adam uıaly telefonyna ornata alady.