16 qańtar kúni 7 jastaǵy Jakshylyk Sheralıev tańerteń kózin asha salyp, qıraǵan úıiniń qabyrǵasyn ǵana kórdi. Ol Sheralıevter otbasynda tiri qalǵan jalǵyz adam, onyń 26 jastaǵy ata-anasy men eki kishkentaı qaryndastary Sokýlýkskıı aýdanyndaǵy Dachı aýylyna ushaqtyń qulaýy saldyrynan qaıtys boldy. Bul týraly rus.azattyk.org habarlaıdy.
Sokýlýkskıı aımaǵyndaǵy aýrýhandan balany kórdik. Ony bul jaqqa tańǵy 10-da jedel járdem kóligi alyp keldi. Ol qatty qorqyp qalǵan, betinde jaraqattar bar, denesi kógerip qalǵan jáne mıy shaıqalǵan.
Jaǵdaıy birqalypty, biraq, kezekshi dáriger Qutman Qumarbekovtyń aıtýynsha, balaǵa psıhologıalyq kómek kerek, biraq balalar psıhology aýrýhanada ázirge joq, tek nevropatologtar ǵana bar eken.
Soǵan qaramastan Jaqshylyq ózin berik ustaıdy, jymıýǵa tyrysady, qandaı ertegiler men múltfılmderdi kórýdi unatatynyn aıtyp beredi. «Men sarbaz bolǵym keledi, óıtkeni olar Otanyn qorǵaıdy», – dep senimdi jaýap berdi bala suraqtarǵa.
Jaqshylyq oqıǵa jaıly bizge baıandap berýden de taısalmady. Ol qulaǵan «ushaqtyń segizinshi kóshedegi barlyq úıdi qıratyp jibergenin» aıtyp berdi.
– Ushaq jarylyp ketti. Odan keıin barlyq úılerdi qıratty, adamdar qaıtys boldy, olardy basyp qaldy. Mılısıonerler keldi, odan keıin jedel járdem de keldi, olar qaıtys bolǵan adamdardy alyp ketti. Mılısıonerler olarǵa qarap turdy. Kórshi úılerdi basyp qaldy. Men olarǵa tańerteń bardym, olar maǵan kıim berip, jedel járdem kóligine otyrǵyzdy. Endi men osyndamyn...Men uıyqtap jatqanmyn. Úıden anam jaqqa qaramastan qashyp kettim.
«Eger olar atamnyń úıinde qalǵanda, tiri qalar edi»
Jaqshylyqtan keıin jarty saǵattan soń aýrýhanaǵa Erkin Baetova tústi. Kishkentaı bala oǵan birer kún buryn atasynyń úıinde bolǵanyn, ákesinen atasynyń úıinde qonýdy ótinip, qalýdy suraǵanyn aıtqan. Biraq olar jańa turǵyzylǵan úılerine qaıtyp ketken eken:
– Men ıne qabyldap jatkanmyn, al ol maǵan: «Áje, tur, men saǵan bárin aıtyp beremin»,– dedi. Jáne ol maǵan ákesinen atasynyń úıinen ketpeýdi ótingenin aıtyp berdi. Onyń ákesiniń aty Ularbek. Jastar qyzdaryn dárigerge kórsetip júr eken. Jaqshylyq ákesinen qalýdy ótinse de, kelispepti. Bir bólmede beseýi uıyqtaýǵa jatady. Ol tańerteń turyp, fýndamentten basqa eshteńe kórmegenin aıtty. Ol maǵan aıtty: «Áje, men kózimdi ashsam, tek qabyrǵanyn arasynda jattym, eshteńe esimde joq, men tońyp ketttim. Men tek fýndamentti kórdim, eshteńe qalmady. Kórshilerge baraıyn dep sheshtim. Ol únemi meniń ıtimnen qorqatynyn aıtty. Bul joly ıt te úrmedi. Olar meni kıindire bastady», – dedi. Maǵan buny tyńdaý aýyrǵa soqty.
Jaqshylyq aýrýhanaǵa túse salysymen, búkil aýrýhana oǵan kóńil bóldi. Erkin Baetovanyń sózinshe, barlyq dárigerler balaǵa barynsha qamqorlyq kórsetken, óıtkeni onyń qasynda eshkim bolmaǵan edi. Dárigerler týystaryn tabýdy suraǵan, birinshi bolyp oǵan ájesi keldi. «Ájesi ony kóre salysymen, qysymy kóterilip, óz-ózine kele almady», – dep jetkizdi balamen bir bólmede jatqan adamdar.
Baqtygúl Igamberdıeva degen týysy keldi. Erkin men Baqtygúl ekeýi balanyń ár sózi men kúlgenin kórip, kóz jastaryn tıa almaǵan. Olar balaǵa eshteńe aıta almadyq dep otyr.
Jaqshylyq – úıdiń úlkeni, odan keıin bes jáne eki jastaǵy qaryndastary bolǵan. Sol kúni olar beseýi bir bólmede birge uıyqtaǵan. Erteń onyń ata-anasy men qaryndastaryn jerleıdi, olardyń ólimi jaıly balaǵa aıtýǵa bata almaı otyr:
– Ata-anasynyń ólgenin bala áli bilmeıdi. Biraq ol maǵan aıtady: «Áje, ata-anamdy kútpeńiz!»,– dep. Ol júregimen sezetin sıaqty. Bilmeımin, múmkin, kórgen shyǵar, múmkin sezetin shyǵar. Ol tek ájesin izdeıdi, óıtkeni ol qaıtyp kelemin dep úıine ketken edi. Búgin ol jaqqa ólgenderdiń denesin aparady. Ol ózin úıge aparýdy suraıdy. Árıne, biz onyń jalǵyzdyqty sezinbeýi úshin bárin isteımiz, biraq ata-anasynyń ornyn kim almastyra alady deısiń?
Boeing 747-400 ushaǵy «Manas» áýejaıynda qulap, saldarynan 35 adam qaza tapqan bolatyn. Olardyń arasyndaǵy eń kishisi 4 aılyq náreste bolǵan.
