Ýnıversıada kezinde aýyr jaraqat alǵan sportshylar aýrýhanaǵa tikushaqpen jetkiziledi dep habarlaıdy almaty.tv. Áýe kólikteri asa qaýipti sport túrlerinen saıys ótetin úsh nysanǵa kezekshilik etedi. Atap aıtqanda - Medeý, Tabaǵan taýly aımaqtary men Almaty arenada zardap shekkender, nebári 15 mınýtta aýrýhanaǵa ákelinip, shuǵyl kómekke ıe bolady.
Dúbirli doda kezinde aýyr jaraqat alǵan naýqastarǵa shuǵyl kómek № 7-shi jáne 4-shi qalalyq aýrýhanalarda kórsetiledi. Ol úshin qos aýrýhananyń bazasynda arnaıy tikushaq qonatyn alań jasaldy. Jospar boıynsha jedel-járdem kóligi tikushaqpen jetkizilgen naýqasty kútip alyp, birden aýrýhananyń qabyldaý bólimshesine jetkizedi. Ol nebári 2 mınýt ýaqytty alady.
№ 4-shi qalalyq aýrýhananyń qabyldaý bólimine jetkizilgen naýqasty bir mezette birneshe dáriger qarap, kómek kórsetedi. Olarǵa kóbinese aıaq-qoly synyp, basynan jaraqat alǵan aýyr haldegi adamdar túsedi. Sondyqtan quramynda travmatolog, hırýrg, terapevt, nevrapotolog syndy mamandar bar arnaıy top saqadaı saı daıyndyq ústinde. Aq halattylar qoldan kelgen kómekterin kórsetý úshin kúndiz-túni tynbaı qyzmet etýge daıyn.
«Qysqy Azıada oıyny kezinde bizde travma alǵan naýqastar bolǵan. Qansha ekeni sany esimde joq. Meniń ózimde jaǵdaı boldy. Bizdiń aýrýhanaǵa Monǵolıanyń sportshysy sol oıyn kezinde hokeı oınaıdy eken, sol oıyn kezinde jaraqat alǵan tizesinen. Sony bizdiń aýrýhanaǵa alyp keldi, biz tolyǵymen tekserdik, tizesiniń baılanymyń úzilgenin anyqtadyq. Sol týraly sportshyǵa túsindirip aıttyq. Sportshy bizge operasıa jasaýǵa kelisim berdi, biz operasıasyn jasap osy jerden shyǵaryp jiberdik», - dedi Almaty qalasy №4 qalalyq klınıkalyq aýrýhanasynyń jedel jaraqat bóliminiń meńgerýshisi Meırambek JUMAǴULOV.
Ýnıversıadany ótkizýge dárigerler saqadaı saı. Qajetti medısınalyq qural-jabdyqpen jáne dári-dármekpen qamtamasyz etilgen kezekshi jedel medısınalyq kómek brıgadasy barlyq 9 sport nysanynda da jumys isteıtin bolady. Jańadan alynǵan 40 jedel járdem kóligi shuǵyl, dereý jáne qajetti medısınalyq kómek kórsetýge daıyn turady. Sporttyq saıystar ótetin aýmaqtarda 150-den astam jedel kómek kórsetetin aq halattylar bolady.
«Ýnıversıadany ótkizý aıasynda Mınıstrlik Almaty qalasynyń ákimshiligimen birge qatysýshylarǵa shara barysynda jáne toqtaǵan ornynda ýaqtyly, sapaly medısınalyq kómek kórsetý máselelerin pysyqtady. Jalpy medısınalyq kómek kórsetý stasıonarlyq túrde kórsetiletin bolady, jedel-járdem túrinde kórsetiletin bolady. Sondaı-aq medısınalyq pýnktterdiń qyzmetteri uıymdastyrylatyn bolady. Búgingi tańda qajetti daıarlyq tolyq aıaqtaldy desek bolady», - dedi QR Áleýmettik damý jáne densaýlyq saqtaý mınıstri Tamara DÚISENOVA.
Jarys kezinde kómek kórsetetin jedel-járdem qyzmetkerleriniń barlyǵy kózge erekshe túsetin, arnaıy kıim úlgisimen qamtamasyz etilgen. Olardyń barlyǵy da ala jazdaı aǵylshyn tilinen dáris ótip, jattyǵypty.
