Bir jarym jastaǵy Aqjol esimdi sábı qaıtys bolǵan aýrýhanada tekseris júrip jatyr. Qyzmettik tekseristi   Medısınalyq jáne farmasevtıkalyq qyzmetti baqylaý komıtetiniń oblys boıynsha fılıalynyń ókilderi júrgizýde dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti ókiliniń málimetinshe, balanyń ólimine ne sebep bolǵany jóninde tolyqtaı tekseriledi. Tıisti shara qoldanylady.

Buǵan deıin habarlaǵanymyzdaı, otbasy balasynyń ólimine dárigerlerdi kinálaǵan bolatyn. Oqıǵa Kóksý aýdandyq aýrýhanasynda boldy. İshi aýyryp aýrýhanaǵa túsken balanyń úsh kúndik emnen keıin beti beri qarap, jaǵdaıy jaqsarady. Biraq, ata-ananyń sózine qaraǵanda,  kúre tamyrǵa salynǵan sıstemadan qan toqtamaı, sábı qansyrap kóz jumǵan. «Balaǵa sıstema salǵan dárigerler baqylaý jasamady, esesine ózderi shaı ishýge ketip qaldy» degen ata-ana endi sotqa júginbek.