«Azamattyq quqyqtan aıyrý qaýpi tónip turǵan musylman áıelderdi» qoldaý maqsatynda gollıvýdtyq aktrısa Ketı Nadjımı Donald Tramptyń ınaýgýrasıasy kúni áıelderdi hıdjab kıýge shaqyrdy. Bul týraly life.ru habarlaıdy. Tramptyń ulyqtaý rásimine qarsy Vashıngtonda senbi kúnine uıymdastyrylyp otyrǵan aksıada 100 myń qatysýshy jınalady dep kútilip otyr.

–Men hıdjabtaǵy áıeldi kórip, ony qoldaıtynymdy qalaı jetkizsem bolady dep oılandym. Bul rette ony uıaldyryp, yńǵaısyzdyq týdyrmaýym kerek dep sheshtim, –dedi 59 jastaǵy gollıvýdtyq aktrısa. – Sosyn ınaýgýrasıa kúni biz hıdjab kıip shyqsaq degen oı keldi.

Nadjımı bul aksıanyń taǵy bir maqsaty – din bostandyǵyna qoldaý kórsetý ekenin de alǵa tartty. – Biz azamattyq quqyqtaryna qaýip tónip turǵan musylman áıeldermen birge tilektes ekenimizdi kórsetkimiz keldi.

Nú-Iorktyń ortalyǵynda kúndiz gollıvýdtyq juldyzdar bastaǵan Trampqa qarsy sherý uıymdastyryldy. Olar onyń násildik kemsitýshlik pen dinı eseptespeýshiligin synǵa aldy.

AQSH-tyń jańadan saılanǵan prezıdenti buǵan deıin antımusylmandyqqa qatysty birneshe málimdeme jasaǵan bolatyn.