QR aqparat jáne komýnıkasıa mınıstri Dáýren Abaev 6 jylda QHR azamattaryna 253 qazaqstandyq turmysqa shyqqanyn aıtty. Bul týraly ol óziniń Facebook paraqshasynda jazdy.

«Jumys barysynda Statısıka komıtetiniń mynadaı bir derekterin kezdestirdim. Jalpy, bul sıfrlar osyǵan deıin Feısbýkte qyzý talqylanǵan máselege qatysty bolǵandyqtan, oqyrmandaryma mańyzdy bolar dep oılaımyn.

Qarap otyrsaq, 2010 jyldan bastap 2016 jylǵy sáýir aıyna deıin QHR azamattaryna 253 qazaqstandyq turmysqa shyqqan kórinedi. Sonyń ishinde, 190 qazaq qyzyn Qytaıda turatyn óz qandastarymyz, ıaǵnı qazaq jigitteri jar etken. Osy ýaqyt ishinde, ıaǵnı alty jylda etnıkalyq qytaılarmen nekege turǵan qyzdar sany – nebári 34.

Al, osy kezeń ishinde Qazaqstannyń 277 azamaty QHR qyzdaryna úılengen. Sonyń ishinde 244-i - Qytaıda turatyn qazaq qyzdarymen bas quraǵan qazaq jigitteri» dep jazdy Dáýren Abaev.