Kelsı degen ıt qutqarý qyzmeti kelgenshe 20 saǵat boıy ıesiniń qasynan bir eli ketpeı, ony jylytqysy kelgen deıdi adme.ru.

Jańa jyl túni Kelsıdiń ıesi 64 jasar Bob úıinen birer mınýtqa shyqqan eken. Úıge tez kiremin dep oılaǵan ol daladaǵy -4 temperatýrasyna qaramastan syrtqy kıimdi kımeı, úı kıimimen, úı tápishkesimen shyǵa salǵan. Sondaǵy oıy – tez baryp otyn aǵash alý. Alaıda abaısyzda aıaǵy shalynyp, qulap qalady. Turaıyn dese moıyn omyrtqasyna zaqym kelgen, denesi qımyldata almaı qalǵan.

Bobtyń qolynan kelgeni bar pármenimen aıǵaılap kómekke shaqyrý boldy. Biraq jaqyn mańda kórshisi joq. Eń jaqyn kórshiler 4 mıldiń jerde turady eken. Onyń jan aıqaıyn estigen tek ıti boldy. Kelsı ıesiniń qasyna kelip, ony jylytýǵa tyrysqan. 20 saǵat boıy kómekke shaqyryp úrgen. Tań ata ıttiń daýsy shyqpaı qalǵan. Iesiniń janynan bir eli ketpegen Kelsı Bobty óziniń denesimen jylytýǵa tyrysqan. Kelesi kúnniń keshkilik ýaqytynda Bobtyń Rık esimdi kórshisi ıttiń úrgen daýysyn estip, kórshisiniń qyzyna zvondap, sosyn jedel járdem shaqyrady. Bobty Maklaren (McLaren Northern Michigan Hospital) emhanasyna jatqyzady. 20 saǵat boıy dalada jeńil kıimmen jatqan Bobqa salqyn tıse de esh jeri úsimegen. Bári Kelsı ıtiniń arqasy.

Neırohırýrg Haım Kolenniń aıtýy boıynsha Bob jalǵyz qalǵan jaǵdaıda mundaı ǵajaıyp bolmas edi.

Ólim aýzynan qalǵan Bob bylaı dep suhbat beripti: «Men taǵdyryma osyndaı qutqarýshylar syılaǵanyna dán rızamyn. Kelsı meni jylytty, tońýyma jol bermedi, jalǵyz qaldyrmady. Itimniń arqasynda esimnen de aıyrylmadym. Ol kómek kelgenshe úrýmen boldy. Dáriger Kolenniń arqasynda óz-ózime kelip, densaýlyǵym jaqsara bastady. Olar men úshin naǵyz qaharmandar».

Aýdarǵan: Jazıra Baıdaly