2017 jyldyń 19 qańtarynda Aýǵanstannyń Sarı-Pýl provınsıasynda ustalǵan sodyr Atyraý oblysynyń týmasy ekeni anyqtaldy dep habarlaıdy tengrinews.kz. Munyń aldynda QR Syrtqy ister mınıstrligi ony Qazaqstannyń suraýy boıynsha Interpoldyń izdestirgenin habarlaǵan edi.
"Jergilikti quqyq qorǵaý organdary terorızm boıynsha kúdikti Qazaqstan azamatyn ustady. Znalıev Damır Amangeldiuly 1989 jyly Atyraý oblysynda dúnıege kelgen", - deıdi SİM baspasóz qyzmetiniń jetekshisi Ánýar Jaınaqov.
Munyń aldynda Aýǵanstannyń soltústiginde eki sodyrdyń ustalǵany habarlanǵan. BAQ aqparaty boıynsha, olar Qazaqstan men Ózbekstan týmalary. Sodyrlardyń aty-jóni Demır Zenlııov jáne Abdýl Matın dep aıtylǵan. Olardy ustaý kezinde aýǵanstandyq tórt tálip mert bolǵan. Taǵy bir aýǵanstandyq jaralanyp, qazir qamaýda jatyr.
