2015 jyly Túrkıa prezıdenti Redjep Taııp Erdoǵan óziniń kampanıalyq ýádesinde úsh balasy bar túrkıalyq otbasy memleketten qosymsha tólemaqy alady degendi aıtqan bolatyn. Keıin aıtqan ýádesinde turyp balasy bar jumysbasty áıelder memleketten kómek retinde aıyna $441 alatyn boldy. Ol úshin áıel balasyna kásibı bala kútýshi jaldaýy shart. Soǵan qaramastan Túrkıada úıde otyryp nemeresin baǵyp otyrǵan ájeler kóp. Túrkıa bıligi 2016 jyldyń qazanynan bastap qosymsha tólemaqyny ájelerge bergen durys dep habarlady. Bul zańnama alǵashynda Býrsa jáne Izmır aımaqtarynda engiziledi. Alǵashqy etapta bul baǵdarlamaǵa 1000 otbasy qatystyrylady. Eń sońynda 500 000 túrik keıýanany qamtý oılastyrylýda. 

Túrkıadaǵy zeınetaqy mólsheri orta eseppen 1000 men 1800 túrik lıra aralyǵy ($250–450) ekendigin aıta keteıik. Degenmen atalmysh baǵdarlamanyń arqasynda qart analar kelinderin jumysqa jiberip, ózderi nemere baǵyp otyryp qosymsha tabys taba alatyn boldy. Nemeresine qaraıtyn túrik ájesi jańa zańǵa sáıkes aıyna 400 túrik lırasyn (€99 nemese $105) almaq.

Joltaıdyń qyzy