Shymkentte 46 jastaǵy kisi esirtkimen ustaldy. Ony qala kóshelerinde shuǵyl izdestirý operasıasyn júrgizgen esirtki bıznesine qarsy kúres basqarmasynyń qyzmetkerleri qolǵa túsirip otyr, otyrar.kz.
Esirtki zatyn satýy múmkin degen kúdiktiniń úıin tintý barysynda polıseıler polıetılen qaltaǵa salynǵan shóptesin zatty taýyp aldy. Sot-krımınalıstıkalyq saraptama nátıjesinde bul zattyń salmaǵy 17 gramnan asatyn marıhýana ekeni anyqtalyp otyr.
Qazirgi tańda bul fakti sotqa deıingi biryńǵaı tizilimge tirkelip, esirtki zatyn zańsyz daıyndaý, saqtaý, alyp júrý jáne satý áreketine baılanysty qylmysty kodekstiń 297 babymen is qozǵaldy. Kúdikti qamaýda jatyr. Sotqa deıingi tergeý amaldary jalǵasýda.
