Jambylda nárestesin nájiske tunshyqtyryp óltirmek bolǵan áıel merzimen buryn túrmeden bosaıtyn boldy. Sábıin ájethanaǵa tastap ketkeni úshin 1 jarym jylǵa sottalǵan Ámına Májiǵulova raqymshylyqqa ilinip otyr, dep jazady KTK telearnasy.

Onyń erkindikke shyǵýy jónindegi ótinishin Óskemen qalalyq soty maquldaǵan. Biraq, kelinshektiń úıine kelgen-kelmegendigi jaıynda ázirge málimet joq. Bir anyǵy, osy qýanyshty habarymen Ámına Májiǵulovanyń anasy, «Úmit» balalar úıi qyzmetkerlerimen bólisken.

Byltyr qańtarda Turar Rysqulov aýdanynyń 21 jastaǵy turǵyny kúre jol boıyndaǵy dárethananyń birine sábıin bosanyp qaldyryp ketken. Aıazda nájis arasynda shyryldap jatqan shaqalaqty jolaýshylar taýyp alyp, qutqaryp alǵan edi.

Osy oqıǵadan soń qatygez ana sottalyp, tastandy sábı balalar úıine ornalastyrylǵan. Bıyl bir jasqa tolǵan Jansaıanyń háli jaqsy, oǵan ájesi jıi-jıi kelip turady eken.

Biraq, osy kúnge deıin zeınetkerge nemeresin qamqorlyǵyna alý múmkin bolmapty.

Málıka Dúıseeva, mamandandyrylǵan bóbek úıiniń pedıatory:

-Anasy analyq quqynan aıyrylǵan joq. Ol jaǵyn endi sot sheshedi. Baýyryna basa ma, joq pa sol jaǵyn sheshýi kerek. Al, ájesi balany kórýge aptasyna bir-eki ret kelip turady.