Umytylyp bara jatqan taǵamdar týraly Halyqaralyq «Sloý fýd» uıymynyń Qazaqstandaǵy ókili, «Otbasym» Ulttyq qundylyqtar ortalyǵynyń tóraǵa orynbasary Hanym Ahmetova aıtyp berdi. Aqparat ihsan.kz saıtynan alynǵan.
Ulpershek
Ulpershek – quramynda túrli dárýmenderi bar óte paıdaly taǵam. Ony úıinen uzatylyp ketken qyz tórkindep kelgende pisirip beretin bolǵan. Ol «qaıda júrseń de bizdiń júregimizdesiń» degen maǵynada usynylady.
Jylqy nemese sıyrdyń júreginen jasalady. Júrekti kitap sıaqty ashylatyn qylyp tilip, qanyn tazalaıdy da, ishine tuz ben burysh sebedi. Sosyn usaqtalyp týralǵan et pen maımen tolytarady da, bir aı boıy unǵa batyryp qoıady. Ýaqyty kelgende folgaǵa nemese aspazdyq selofanǵa salyp pisiredi.
Bylamyq
Buryndary bylamyqty jańa bosanǵan kelinderge arnap pisirgen. Ol jas ananyń ımýnıtetin kóterip, gemoglabınin qalpyna keltiredi, tisterin bekitedi. Ony ishken ananyń sábıi ana sútine toq bolady, ishi aýyrmaıdy eken.
Bylamyqty jasaý úshin un, sút, maı, tary, qant pen tuz kerek. Undy sarǵaıǵansha maıda qýyryp, sút qosady, 5 mınýttan keıin tary aralastyrady. Bastysy – tary qolmen óńdelgen bolýy kerek.
Jaýjúrek
Bul taǵam qoıdyń baýyrynan jasalady. “Jaýjúrek” dep atalýynyń sebebi – onyń quramynda qorqynyshty joıatyn gormonǵa áser etetin element bar. Sondyqtan ony er adamdar men jas balalarǵa beredi. Sondaı-aq qoıdyń baýyrynda mıokard ınfarktynyń aldyn alatyn geparın bar.
“Jaýjúrekti” ystyq tiskebasar retinde usynýǵa da bolady.
Balqaımaq
Balqaımaq – qazirgi kámpıtterden de tátti taǵam. Ony jasaý úshin qaımaqty aqyryn otta pisirip turyp, un men bal qosady. 10-15 mınýt aralastyryp turyp, otty óshiredi de, qaımaqty buqtyryp qoıady. Eger ot qatty bolyp ketse, qaımaq maıǵa aınalyp ketýi múmkin.
Qazirgi tańda keıbireýler ony torttyń arasyna jaǵatyn krem retinde paıdalanady. Al buryndary ony gastrıt pen asqazan jarasyna qarsy dári retinde jasaǵan. Ol úshin quramyna azdaǵan qyzyl burysh qosady.
Kúıeý bala qonaqqa kelgende usynylatyn bul taǵam qazir qarapaıymdanyp ketken. Qazirgiler qoı soıǵanda onyń ishek-qurylysyn tastaı salady. Olardyń óte paıdaly ekenin eskere bermeıdi.
Órmetós
Órmetós – qoı tósinen jasalatyn taǵam. Ony ekige aıyryp, eki shetin órý arqyly qus qanatyna uqsas qylyp jasaıdy. Bul kúıeý balaǵa “qanatyń talmasyn!” degen tilektestikti bildiredi.
