Ǵalamtorda, anyǵyn aıtqanda "vkontakte" áleýmettik jelisinde keńinen taralyp jatqan  bul sýret eshkimdi beıjaı qaldyrmasy anyq dep habarlaıdy "Qamshy" portaly. Arnaıy maman bolmasaq ta fotoshop emes, kádimgi sýret sekildi dep aıta alamyz. Instragram jelisine kirip fotoda kórsetilgen akkaýntty da izdep kórdik. "Shaxnoz_92" dep tirkelgen ulty ózbek eki azamatshany taptyq. Ekeýiniń de emshektegi balasy bar. Bala emizip otyrǵan fotony ınstagramǵa salǵany úshin kúıeýi tilgilep tastaǵan degen aqparattyń alaıda ras-ótirigin anyqtaı almadyq. Eń ókinishtisi, jamandyq ataýlysyna etimiz úırengeni sonshalyqty bul jańalyqtyń shyndyq bolyp shyǵýy ǵajap emes. Sebebi buǵan deıin osy sıaqty soraqy dúnıelerdi kózimizben kórip, qulaǵymyzben estip júrmiz. Aıta keterligi, keıbireýler balany qoǵamdyq orynda emizýge uıalady, bazbireýler buǵan qarsy. Árbir is-qımyldy, otyrǵanyńdy-turǵanyńdy ınstragramǵa sala berý zamanaýı qoǵamdyq dert ekendigi túsinikti. Bizdiń aıtqymyz keletini – qoǵamdyq orynda qarny ashqan balaǵa omyraý sútin berýde turǵan esh ábestik joq. Qaıta bul qoǵamdy izgilendirýge, meıirimdi bolýǵa áser etedi.