Ispanıanyń Leon provınsıasy Bembıbre qalashyǵynda Carmen qonaq úıiniń meıramhanasynda balalarynyń shoqynýyn saltanatty túrde atap ótpek bolǵan júzden asa adam jınalypty. Aldyn ala 900 eýro tólegen qonaqtar jalpy dastarqanǵa qoıylatyn ishimdik pen taǵamdardy bul somadan asyra siltep, tapsyrys bergen eken. Olardyń arasynda et taǵamdary men sharapta esep bolmaǵan. Biraq, sharanyń sońyna taıaý toqbasar alyp jetken daıashylar qonaqtardyń ornyn sıpap qaldy. Bılep júrip, kólikterine qaraı sytylyp, aqyry qutylyp ketken meımandar shamamen 2 myń eýronyń shotyn tólemeı ketken, dep habarlaıdy "Qamshy" 24.kz silteme jasap.  

Syrtta qashyp bara jatqan qonaqtardy qýyp jetpek bolǵan meıramhana qyzmetkerleri bos ter tókti. Olar bar bolǵany alaıaqtar mingen kólikterdiń nómirlerin jazyp alǵan.