Kenıanyń astanasy Naırobı qalasynda kóshe kezip, qaıyr tileıtin balalar kóp júredi. Sonyń biri Djon Týo esimdi qaıyrshy bala. Balalar baǵdarshamnyń qyzyl túsin kútip, kólikter toqtaǵan sátte bir-birimen jarysa kólik ishindegilerden aqsha suraýǵa kirisedi. Djon da ash qalmas úshin solaı isteıtin. Bir kúni Djon qaıyr tilep júrip óte erekshe jolaýshyny kezdestiredi, bul kezdesý balanyń ómirin túbegeıli ózgertti.
Kólik ishindegi jolaýshy áıeldiń esimi Gledıs Kamande. Djon kóliktiń terezine jaqyndaı bergende, abdyrap qaldy. Sebei, Gledıstiń denesine ornatylǵan birneshe apparatty kózi shaldy.
Bul ne apparat dep suraǵanda, áıel óziniń aýyr naýqasqa tap bolǵanyn, sol sebepten ottegi balony men generatordy úzbeı taǵyp júrý kerek ekendigin túsindirdi. Es jıǵaly dalada kún keshken Djon bundaı jaǵdaıǵa ómirinde jolyqpaǵan edi.
Djonnyń qyzyǵýshylyǵy artyp, suraqtardy jaýdyra tústi.
32 jastaǵy Gledıs kórý júıkesine zaqym kelgendikten 12 márte ota jasatqan, aqyry soqyr bolyp qalǵan. Djonǵa bul oqıǵa qatty áser etip, kóz jasyn toqtata almady.
Onyń da taǵdyry qıyn boldy. Ashtyqtan qutylý úshin kúnniń aıazyna da qaramaı kóshe kezip júrdi. Alaıda, budan da aýyr taǵdyrlar kezdesedi eken-aý. Bala Gledıske qandaı jaǵdaı bolmasyn kómektesýge daıyn turdy. Áıel Djondy qolynan ustap, jaı ǵana birge qudaıǵa syıynaıyq dedi.
Djon áli de esin jıa qoımady. Ne istesem eken degen oımen kóńili jaı tappady. Sóıtip, qaltasynan bar jıǵan aqshasyn shyǵaryp, áıelge usyndy. Ózinen góri aqsha áıelge kóbirek kerek ekenin túsindi.
Ári qaraı Djon men Gledıstiń ómirinde kútpegen jaǵdaı oryn aldy. Ekeýiniń áńgimesin qulaǵy shalǵan jas jigit sol sátte sýretke túsirip, áńgimelerin jazyp alyp, ǵalamtorǵa jarıalaıdy. Bul jaǵdaıdy oqyǵan adamdar ekeýiniń ómirine beıjaı qaraı almady. halyq tarapynan áıeldiń emine dep 80 000 dollar qarajat jınaldy.
Ómirin ózgertken balaqaıǵa Gledıs alǵysyn qalaı jetkizerin bilmeı, Djonǵa ózim qamqor bolamyn dep sheshedi. Endi bala kóshede kúneltýdiń ornyna, mektepke baryp bilim alyp júr. Sebebi, Gledıs Djondy asyrap aldy.
Derekkóz: tutkryto.su
