Qazaqstan Respýblıkasy Aqparat jáne komýnıkasıalar mınıstri Dáýren Abaev Ulybrıtanıa men Soltústik Irlandıanyń birikken koróldigine jumys sapary barysynda VVS Worldwide basshylary Shon O Hara jáne Sergeı Stanovkınmen kezdesti dep habarlaıdy "Qamshy" aqparattyq agenttigi.
Taraptar ekijaqty yntymaqtastyqtyń bolashaǵy men birlesken jobalardy júzege asyrý múmkindigin talqylady.
Kezdesý nátıjesinde Qazaqstan Respýblıkasy Aqparat jáne komýnıkasıalar mınıstrligi men VVS Worldwide korporasıasy arasyndaǵy memorandýmǵa qol qoıyldy.
Memorandým aıasynda redaksıalyq josparlardy almasýǵa baǵyttalǵan birlesken jobalardy iske asyrý, dóńgelek ústelder ótkizý, ulttyq jáne aımaqtyq BAQ úshin leksıalar uıymdastyrý, sonymen qatar Qazaqstannyń týrısik jáne ınvestısıalyq áleýetin ilgeriletý josparlanǵan.
Sonymen qatar, memorandýmda negizgi baǵyty sıfrlyq efırlik habar taratýǵa kóshý aıasynda qazaqstandyq telearnalardyń tehnıkalyq damýy boıynsha birlesken keńes berýdi júrgizý, aqparat men tájirıbe almasý bolyp tabylatyn jumys tobyn qurý qarastyrylady.
Anyqtama retinde: VVS korporasıasy 1920 jyly qurylǵan, qazirgi tańda BAQ salasyndaǵy jahandyq kóshbasshy medıakorporasıalarynyń biri bolyp tabylady.
