Ulybrıtanıalyq Aırıs Greıs Helmshoý 7 jastaǵy sýretshi qyz. 2011 jyldyń jeltoqsanynda dárigerler qyzda aýtızmniń baryn anyqtaǵan. Aırıs kishkentaı kezinen adamdarmen aralasýyn doǵarǵan.

Biraq, Alla Taǵala adamǵa bir kemistik berse, onyń ornyn mindetti túrde ózgelerde joq artyqshylyqtarmen tolyqtyryp otyrady. Iá, túri usqynsyz bolǵan shyǵar, biraq talanty tas jarady. Qol-aıaǵy joq shyǵar, biraq sulýlyǵy bárinen asyp túsedi.

Bundaı asyl qasıet Aırısten de aınalyp ótpedi. Óz oıyn adamdarǵa jetkize almaǵanymen, kishkentaı arý ishindegisin qylqalammen qaǵaz betine túsiredi eken.

«Sýret salýmen aınalysý Aırıstiń qarym-qatynas jasaýyna kómektesedi dep sengenbiz,- deıdi qyzdyń anasy Arabella Karter-Djonson: Biraq, qyzymyzdyń boıynda asqan talant bar ekenin bilmeı júrgen ekenbiz. Qylqalamdy qolyna alǵan boıda 2 saǵat toqtaýsyz sýret salýǵa kirisip ketti. Alǵashynda, aýtızmmen aýyratynyna qynjylatynbyz. Alaıda, dál osy aýrý ony sýret ónerimen tanystyrdy. Ol sóıleı almasa da, qorshaǵan ortany bar janymen sezine alady».

Qyzdyń kartınalary búgingi tańda úlken suranysqa ıe. Keıbir koleksıa jınaýshylar onyń kartınasyn qomaqty somaǵa satyp alady.

Aırıs búginde áleýmettik jeli qoldanýshylaryn qyzyqtyryp otyrǵan bilikti sýretshi. Derekterge súıensek, onyń sýret salýyna jaqyn dosy, mysyǵy – Týlý kómektesedi eken.