Fılıppın sulýyn óz úıinde atyp ketken. Tańerteń úıine kelgen belgisiz eki er adamǵa 23 jasar Marıa Krıstına Balagtase úıiniń esigin ózi ashqan. Sodan soń kórshileri myltyq daýsyn estigen.Bul týraly «Qamshy» aqparat agenttigi life.ru-ǵa silteme jasap habarlaıdy.
Polısıa qyzmetkerleri bul qylmysty jasaǵan qyzdyń eks jigiti bolýy múmkin dep otyr.
5 sáýir kúni tańerteń Marıa Balagtase 2 adamǵa esik ashqan, sol sátte-aq basyna oq tıgen ol jedel járdem qyzmetkerleri kelgen kezde tiri bolǵan. Alaıda jedel járdem kóliginiń ishinde aýrýhanaǵa jetpeı kóz jumǵan.
Kýágerlerdiń aıtýy boıynsha qylmyskerler qyzǵa gúl men táttiler ákelgen.
Fılıppın sulýy 2009 2010 jyldary La Bulakenya sulýlyq konkýrsyna qatysyp jeńiske jetken eken. Modeldik bızneste baǵy janyp kele jatqan qyz Karmelı Redjına ýnıversıtetinde oqyǵan. Qyzdyń ólimin estigen dostary oǵan arnap #JusticeFortTin heshtegin jazyp áleýmettik jelilerde kóńil aıtyp, estelikterin bildirýde.
Sonymen birge polısıa qyzmetkerleriniń qylmyskerlerdi tabatynyna senim artyp otyr.
