WBO tujyrymy boıynsha álem chempıony, 29 jastaǵy Vasılıı Lomachenko (8-1, 6 KO) segiz salmaq dárejesi boıynsha burynǵy álem chempıony Mennı Pakáo (59-6-2, 38 KO) judyryqtasýdyń mánisin kórmeı turǵanyn aıtady, dep habarlaıdy "Qamshy" aqparattyq agenttigi vesti.kz basylymyna silteme jasap.

"Pakáomen jekpe-jek týraly aıtsam, onyń bokstan ketýine az qaldy. Mundaı jastaǵy jigitti urǵym kelmeıdi. Onymen jekpe-jekti qalaý essizdik bolar edi. Onyń óz joly bar, meniń óz jolym bar. Meniń dıvızıonymda adam jeterlik, sonymen birge, men jeńil salmqqa aýysyp, onda kim myqty ekenin anyqtaýǵa bolady", - dep keltiredi Lomachenkonyń sózin Sporting News.

"Adamdar meni Pakáomen salystyrady, biraq, aıyrmashylyq úlken sıaqty. Mennı kásipqoı boksqa 18 jasynda keldi jáne ózin damyta berdi. Sondyqtan ol osy dárejelerdiń bárinen ótti. Men 25 jasymda kásipqoı rıngke shyqtym, býynym qatqan kezde. Degenmen eki salmaq dárejesin aýystyrdym, úshinshisine aýysatyn josparym bar. Maǵan dál qazir 140 fýnt salmaqqa ótý ádil bolmas. Salmaq dárejesin jaıdan-jaı oılap tapqan joq. Kell Brýk pen Gennadıı Golovkınniń jekpe-jegi muny dáleldeı túsedi. Brýk birden eki salmaq dárejesine kóterildi. Nátıjesin bárińiz bilesizderá, - deıdi ýkraınalyq boksshy.

Lomachenoknyń menedjeri Egıs Klımas salmaq aýystyrýǵa qatysty osy jekpe-jekti mysal etti.

Eske salaıyq, Golovkın-Brýk jekpe-jegi 2016 jyldyń qyrkúıeginde ótti. Brıtanıalyq boksshy eki salmaq dárejesin birden aýystyrǵan edi. Jekpe-jek besinshi raýndta brıtanıalyq boksshynyń buryshyna oramal tastalǵan soń toqtatyldy. Keıin Golovkın Brýktiń kóz qáshyǵyn sndyryp jibergeni belgili boldy.