Akademık Asqar Jumadildaev jastarǵa úlgi bolarlyq qaharmannyń atyn atady dep habarlaıdy Qamshy.kz.

Jumadildaevtiń aıtýynsha búgingi kúni jastarǵa úlgi tutýǵa laıyq qaharmannyń esimi – Ádilet Imabaekov.

Habar arnasyndaǵy «betpe-bet» habarynda qonaqta bolǵan fızıka-matematıka ǵylymdarynyń doktory Asqar Jumadildaev: «Meni moıyndatqandar bar, atyn ataıyn. Ádilet Imabekov, bul esimdi saqtap qoı.

Bul jigit 30 jasynda qaıtys bolyp ketti. Máskeýde fızmat mektebin bitirdi.  Reseıdiń fızıkadan olımpıada komandasynyń kapıtany boldy. Fıztehte oqydy, sosyn Garvardqa bardy. Sonda stýdent bolyp júrgende jazǵan ǵylymı eńbegi AQSH Prezıdenti men Lev Landaýdyń syılyǵyn aldy. Landaý atyndaǵy teorıalyq fızıka ınstıtýtynyń Landaý syılyǵyn ıelendi. AQSH prezıdenti syılyǵyn alǵan bir qazaqty bilesiz be? Basqa joq. Ol jigit Garvardt ýnıversıtetinde RhD doktorlyǵyn qorǵaǵan tuńǵysh qazaq.

Balalardyń ishinde meniń kishkene qarnymdy ashtyratyn nárse «balalarǵa kim qaharman?» Olarǵa ury, bandıt, ánshi qaharman. Nege bir ǵalym qaharman bolmaıdy, nege bir fızık, nege Bıll Geıts qaharman bolmaıdy?», - dedi suhbattasýshyǵa.

Akademıktiń aıtýynsha Ádilet Imabekovtiń eńbekteri basylǵan, Garvardta onyń atynan konferensıa júrgizilgen. Onyń esimi balalarǵa úlgi bolýǵa tıis. 

Osy habardy kórgen Qamshy tilshisi Imabekovtiń ómir joly týraly izdenip kórdi. Ádilet týraly Qazaq tilinde mardymdy aqparat bolmaǵanymen aǵylshyn tilinde biraz derek bar.

Ádilet Imabekovtiń eńbekterimen myna siltemeden tanysa alasyz.

Al, áýesqoı álpınıs Ádilet týraly estelik sýretter myna jerde.