Jambyl oblysy Óńirlik komýnıkasıalar qyzmetinde «Taraz qalasyndaǵy jylý berý maýsymynyń aıaqtalýy týraly» brıfıń ótti. Brıfıńke Taraz qalasy ákiminiń orynbasary Maqsat Keńesqanuly jáne qalalyq turǵyn - jaı komýnaldyq sharýashylyq, jolaýshylar kóligi jáne avtomobıl joldary bóliminiń basshysy Baqytjan Alpysuly qatysyp, belgilengen taqyryp aıasynda málimdeme jasady dep habarlaıdy "Qamshy" aqparattyq agenttigi.

            Maqsat Keńesqanulynyń aqparatynsha, jylytý maýsymy aıaqtalǵan soń Taraz qalasynda kópqabatty úılerdi ystyq sýmen qamtamasyz etý jylý taratýshy mekemelerdiń quziretinde, olardyń jumys kestesine baılanysty. Óıtkeni, olardyń birnesheýi jylytý maýsymy aıaqtalǵan soń birshama ýaqyt jylý taratý júıesine jóndeý jumystaryn júrgizýdi josparlap otyr. Bul jumystar sý taratýdyń sapasyn arttyrý maqsatynda jasalyp otyrǵan jumystar. Jylý taratý júıelerin jóndeý «Nurly jol» baǵdarlamasy aıasynda qolǵa alynǵan. Ótken jyly Taraz qalasynda jylý jelileriniń 36,14 shaqyrymy jańǵyrtyldy.

Sondaı-aq, aqpattyq-dıspecherlik bólimsheleri táýlik boıy qyzmet kórsetti. Jylytý maýsymynda apattyq jaǵdaılar men tehnıkalyq kemshilikter bolǵan joq.

Qalada 1190 kóppáterli turǵyn úı, 32 densaýlyq saqtaý, 123 bilim berý nysandary ortalyqtandyrylǵan jylý júıesimen qamtamasyz etiledi.

Otyn-energetıka kesheni mekemeleri jylytý maýsymynda 706 myń 362 Gıgakalorıı jylý energıasyn óndirip, 4 mlrd. 776 mln. 361 myń 372 teńgege qyzmet kórsetildi, 99 mln. 892 myń 423 tekshe metr tabıǵı gaz tutynyldy.

Jylý qazandyq sany - 52, onyń ishinde: jylý qýattylyǵy 100 Gkal/saǵ. joǵary - 3, jylý qýattylyǵy 100 Gkal/saǵ. tómen - 49. Qazan (kotel) sany - 184, rezervtik qazan - 77.

Jylý jáne ystyq sý qyzmetteriniń qaryzy - 134,943 mln. teńge, onyń ishinde: turǵyndar qaryzy - 127,094 mln. teńge, - dep habarlady M.Ahaev.