AQSH-tyń Kalıfornıa shtatynda ornalasqan San-Bernardıno qalasyndaǵy bastaýysh mektepte bolǵan atystan qaza tapqandar sany úsh adamǵa jetti, - dep habarlaıdy  «Qamshy» aqparat agenttigi tengrinews.kz-ke silteme jasap.  Polısıa málimetinshe, aýrýhanada 8 jastaǵy oqýshy kóz jumǵan. Taǵy bir balanyń jaǵdaıy asa aýyr halde.  Osyǵan deıin eki eresek adamnyń (muǵalim áıel jáne er adam) qaza tapqany týraly habarlanǵan edi. Er adam muǵalimniń burynǵy kúıeýi ekeni anyqtalǵan. Polısıanyń málimetinshe, qylmysker synyptyń ishinde oq ata bastaǵanda, balalarǵa oq kezdeısoq tıgen, San-Bernardıno qalasynda 2015 jyly jeltoqsanda otbasylyq jup 14 adamdy atyp tastaǵan bolatyn.  Eske salaıyq, jergilikti polısıa basshysy Djarred Bergýannyń aıtýynsha, atys North Park mektebinde bolǵan. Onda 5-12 jas aralyǵyndaǵy balalar oqıdy. Atys saldarynan eki eresek adam qaza tapty. Eki oqýshy aýrýhanaǵa jetkizilgen, olardyń jaǵdaıy belgisiz.  Bergýanıdyń oıynsha, qylmysker ózine qol jumsaǵan. "Qazirgi ýaqytta qaýip-qater joq", - dep jazdy ol Twitter jelisindegi paraqshasynda. Polısıa oqıǵa ornynda jumys istep jatyr, oqýshylar evakkýasıalanǵan.