Buǵan deıin Qazaqstanǵa kóship kele jatyp, «Maıqapshaǵaı» shekara beketinen óter kezde bar aqshasynan aıyrylǵan Máýithan Gúljannyń basyndaǵy qıyn jaǵdaı týraly jazǵanbyz.

Búgin Zaısan aýdandyq sotynda «Maıqapshaǵaı» kedendik beketinde 49 990 dollarynan aıyrylyp qalǵan qandasymyz, Gúljan Máýithannyń isi qaıta qaraldy dep habarlaıdy "Qamshy" aqparattyq agenttigi. Sot sheshimine saı, Gúljan Máýithannyń  aqshasy qaıtarylatyn boldy. Bul týraly qandasymyz Gúljan Máýithannyń basyndaǵy máselesin alǵashqylardyń biri bolyp jazǵan Ularbek Dáleıuly óziniń Facebook paraqshasyna qýana habarlady.

Aıta keteıik, tarıhı Otanyna kóship kele jatqanda bar jıǵanynan aıyrylyp qalǵan qandasymyzdyń qıyn jaǵdaıy týraly BAQ pen qosa qoǵam qaıratkerleri, elge tanymal zańgerler ún qosyp, óz alańdaýshylyqtaryn bildirgen. Olar - zańger Abzal Quspan, qoǵam qaıratkeri Muhtar Taıjan, Saıasattanýshy Erlan Saırov.