Aq úı ókilderi Gambýrg qalasynda ótetin G20 samıtine qonaqúıden nómir brondamaqshy bolǵan, alaıda olardyń suranystaryn qabyl alynbaǵan, - dep jazady tengrinews.kz.
Gambýrg qalasynda ornalasqan lúks sanatyndaǵy Vier Jahreszeiten qonaqúıi Aqsh prezıdenti Donald Tramp bastaǵan amerıkalyq delegasıany qonystandyrýdan bas tartty. Olar 7 jáne 8 shildede "úlken jıyrmalyqtyń" jıynyna qatysady. Bul týraly Hamburger Abendblatt nemis gazeti jazdy.
Qonaqúı ákimshilig osy jaǵdaıǵa baılanysty qandaı da bir pikir bildirýden bas tartqan. Aq úı ákimshiligi boljam boıynsha Germanıanyń basqa qalasynda - Berlınde ornalasqa Adlon qonaq úıin brondaýǵa kóshken. AQSH ókilderi ázirge elordalyq qonaq úıge resmı túrde suranys jibermegen.
Spiegel Online jýrnalynyń málimetinshe, G20 elderiniń kezdesýine toǵyz myń adam qatysady dep josparlanǵan. Kóptegen elderdiń delegasıalary qonaqúılerge tapsyrys berip qoıǵan.
