Bıyl Aqmola oblysynda joldardy jóndeýge, aýmaqtardy sanıtarıalyq tazalaýǵa, abattandyrý men kógaldandyrýǵa 3,0 mlrd.teńgeden astam qarajat bólingen. Bul týraly óńir ákimdigindegi aparattyq jınalys barysynda belgili boldy. «Kóshelerdegi jaryq baǵanalaryn aǵartý jáne syrlaý, joldarǵa ishinara topyraq seýip, greıderleý, qalalyq bılbordtardy, jol belgilerin jóndeý, aıaldamalardy syrlaý boıynsha jumystar bastaldy», – dep baıandady óńir basshysyna Energetıka jáne turǵyn úı-kommýnaldyq sharýashylyq basqarmasynyń basshysy Vıktor Radchenko,-dep habarlaıdy Qamshy aqparattyq agenttigi strategy2050.kz-ke silteme jasaı otyryp.

 Tabıǵı resýrstar jáne tabıǵat paıdalanýdy retteý basqarmasynyń basshysy Rýslan Áýbákirov oblysta 13 mln kóshet ósiriletin 3 tálimbaq bar ekenin baıandady.  «Qazirgi ýaqytta oblystyń batys óńirlerin aǵash kóshetterimen qamtamasyz etý maqsatynda taǵy bir tálimbaq salý úshin jobalyq-smetalyq qujattama ázirlenýde. Bıylǵy kóktemde 96 myńnan astam kóshet otyrǵyzý, sondaı-aq 1700 gektar jerde aǵash otyrǵyzý josparlanyp otyr», – dep atap ótti ol. Osy másele boıynsha oblys ákimi M.Myrzalın oblystyń eldi mekenderin tıisti sanıtarıalyq tártipke keltirý jáne kógaldandyrý úshin sharýashylyq etýshi sýbektilerdi, qoǵamdyq uıymdardy komersıalyq qurylymdardy tartý jumysyn jandandyrýdy tapsyrdy.