Amerıkanyń Nú-Iork qalasynda turyp jatqan Arman Belassar esimdi otandasymyz Astanada ótetin EKSPO-2017 kórmesine oraı Qazaqstanǵa júzge tarta sheteldikti jibermek.
Arman qazirdiń ózinde ózdiginen EKSPO kórmesine jarnama jasap, sheteldik meımandardy Astanaǵa shaqyrýda, dep habarlaıdy Qamshy aqparattyq agenttigi 24.kz-ke silteme jasaı otyryp.
Jas kásipker avtokólikterdi alyp-satýmen aınalysady. Ol ózine tıesili birqatar kóliktiń syrtyna kórmeniń logotıpin beınelegen. Aıtýynsha, AQSH-tyń eń iri qalalarynyń birinde elimizde ótetin aýqymdy sharany jarnamalaý óz septigin tıgizetini sózsiz. Shalǵaıda júrsem de, elimmen maqtaný – mindetim, – deıdi ol.
