Soltústik Koreı Respýblıkasynyń Syrtqy ister mınıstrligi resmı Vashıngtonnyń qarýly kúshterine qarsy turýǵa daıyn ekenderin habarlaıdy, dep jazady "Qamshy" aqparattyq agenttigi. Bul týraly eldiń Syrtqy ister mınıstriliginiń AQSH bıligine jibergen joldamasynda aıtylyp ótti.

8 sáýir kúni AQSH-tyń Syrtqy ister mınıstrligi Koreı túbegine qarýly áýe kúshterin jiberý týraly sheshim qabyldaǵandyǵyn aıtqan bolatyn. Aldymen áýe kúshi Avstralıa jaǵalaýyna qonýy tıis delingen. Keıinnen Amerıkanyń Tynyq muhıty aımaǵyndaǵy qarýly kúshter shtaby: «Admıral Harrı Harrıs basqarǵan «Karl Vınson» áýe kúshteriniń Tynyq muhıtynyń soltústik jaǵalaýyna qaraı baǵyt alyp, Sıngapýrge toqtaǵannan keıin 8 sáýir kúni belgilengen mejege qaraı bet alatyny» týraly habarlady.

Phenán bıligi AQSH-tyń óz túbekterine basyp kirýi úlken qatelik bolatynyn eskertti. Málimdemede «Tramp buıryǵy boıynsha jaǵalaýǵa ornatylyp jatqan qarýly kúshter Soltústik Koreıanyń ustanymdaryna áser ete almaıdy. Phenán AQSH bastaǵan kez kelgen shabýylǵa qarýly kúshpen jaýap berýge daıyn. Qandaı da bir qarýly qaqtyǵys bolǵan jaǵdaıda barlyq jaýapkershilik pen kiná resmı Vashıngtonǵa artylady» delingen.

Koreı túbeginiń ekinshi bóliginde ornalasqan Ońtústik Koreıa Respýblıkasy bolsa AQSH-tyń bul is-áreketin tolyq quptaıtyndyǵyn habarlady. Eldiń syrtqy ister mınıstri Mýn San Gýn AQSH-tyń osy áreketi arqyly Phenánnyń kúshi álsireıtinin, tıisinshe talaı jyldan beri Seýldiń aspanyn torlaǵan bulttyń seıiletinin jetkizdi. Jáne Seýl men Vashıngton arasyndaǵy dostyqty kúsheıtý arqyly Koreı túbeginde turaqtylyq ornaıtynyn aıtty dep habarlaıdy TASS.

Aýdarǵan Aqnıet Tólendi