Almatyda alty kólik soqtyǵysqan, dep habarlaıdy "Qamshy" aqparattyq agenttigi Sputnik portalyna silteme jasap.
Almatyda Súıinbaı jáne Rysqulov kósheleriniń qıylysynda iri jol apaty boldy. TQKS-nan urlanǵan Mercedes ML kóligi Rysqulov kóshesimen batys baǵytta kele jatyp, Jangeldın kóshesimen qıylysta Opel kóligin "syryp" ketken. Mercedes júrgizýshisi jol apaty ornynan qashyp ketýge tyrysqanymen, jol polısıasyna ustalyp qalady. Polıseılerdiń aıtýynsha, júrgizýshi mas bolǵan.
Bul ýaqytta Rysqulov kóshesimen batys baǵytta Toyota Land Cruiser jáne Mercedes W124 kólikteri kele jatqan. Jol apatyna qarap qalǵan Toyota júrgizýshisi bar jyldamdyqpen kelip Mercedes kóligine soǵylady. Qatty soqqydan Mercedes bir jaqqa yǵysyp, beton dýalǵa soǵylǵan. Keınirek bul jaıtqa nazary bólinip ketken Toyota Carina E júrgizýshisi Nissan Juke kóligine soǵylady. Qaza tapqandar men zardap shekkender joq. Mercedes ML kóligin aıdap áketken adam sol TQKS-da syrshy bolyp jumysqa turypty.
