Úndistanda júregi syrtynda ornalasqan sábı dúnıege keldi. Madhá-Pradesh shtatynda júrek aýrýyna shaldyqqan sábı osy dertine baılanysty júregi syrtynda ornalasyp týylǵan.

Bul týraly «Qamshy» aqparat agenttigi  Daily Star-ǵa silteme jasap habarlaıdy.

Sábıdiń ata-anasy onyń densaýlyǵynda aqaý bar ekenin ÝDZ (Últra dybystyq zertteý) kezinde anyqtaǵan. Alaıda aqaýdyń aldyn-alýǵa jubaılardyń qaltasy kótermegen.

«Bizdiń tuńǵyshymyz osylaı azaptanady dep kim oılaǵan» deıdi qyzdyń anasy.

Dárigerlerdiń aıtýynsha, balanyń aman-esen ómir súrip ketýi 50/50 deńgeıimen eseptelip otyr. Sábıdi Delıdegi aýrýhanaǵa aýystyryp ota jasalmaqshy.

Júrek ektopıasy- óte sırek kezdesetin júrektiń basqa jerde ornalasýyn  sıpattaıtyn dert. Ol  150 myń adamnyń ishinde bir adamda ǵana kezdesýi múmkin. Eń ókinishtisi, osy dertpen týylǵan 90% cábı óli týylady nemese ómiriniń alǵashqy kúnderinde-aq qaza tabady eken.