Jańa tehnologıa beıit basyn da aınalyp ótpedi. Endi jaqyn týysynyńyzdyń qabiriniń basyna barǵanda ol adam jaıynda derekterdi qalaýyńyzsha bilip otyra alasyz, dep jazady «Qamshy» aqparattyq agenttigi.

Islam.kz saıtynyń habarlaýynsha, Slovenıanyń Marıbor qalasyndaǵy Jaǵalaý dep atalatyn beıitinde álem boıynsha tuńǵysh ret «aqyldy» qulpytas paıda boldy. Inovasıalyq qulpytastar týǵan-týystary júktegen, qaıtys bolǵan adam týrasyndaǵy aqparat qamtylǵan ekranmen jabdyqtalǵan. Adam qabirdiń basyna jaqyndamaıynsha eshnárseni baıqamaıdy, tek jaqyn kelgende ǵana plıtada qımyl-qozǵalys dachıgi iske qosylyp, sensorlyq ekran paıda bolady. Odan qaıtys bolǵan adamnyń foto-sýretin, qaıtys bolǵan adam beınelengen vıdeony kórýge jáne onyń ómirbaıanyn oqýǵa bolady.

Osy jobany oılap tapqan Bioenergija kompanıasy ókilderiniń aıtýynsha, qulpytastaǵy ekranǵa sý ótpeıdi, óıtkeni, arnaıy jabynmen qaptalǵan. Atalmysh kompanıa mamandary qazirgi ýaqytta arnaıy mobıldi qosymsha jasap jatyr. Onyń kómegimen «aqyldy» qulpytastaǵy málimetterdi ózgertýge, tolyqtyrýǵa, t.b. bolady.Bul ınovasıalyq jobanyń quny úsh myń dollardan asyp jyǵylady.