Beıbitshilik salasyndaǵy Nobel syılyǵynyń laýreaty Malala Iýsýfzaı BUU-nyń eń jas beıbitshilik elshisi atandy,-dep habarlaıdy Qamshy aqparattyq agenttigi Azattyq radıosyna silteme jasaı otyryp.
Pákistandyq 19 jastaǵy belsendini beıbitshilik elshisi etip taǵaıyndaý saltanaty BUU-nyń Nú-Iorktegi shtab-páterinde ótti. Saltanatty sharaǵa BUU bas hatshysy qatysty. "Sen qaharman ǵana emes, óte qaısar ári jomart adamsyń" dedi Gýterresh Malalaǵa. Malala oǵan "Biz qyzdarǵa bilim bersek qoǵamdy ózgertemiz. Meniń úmitim mol jáne qyzdardy ózderin kórsetýge, óz kúshterine senýge shaqyramyn" dedi.
Malala 2012 jyly Pákistanda ózi oqyp júrgen mektep avtobýsyna jasalǵan shabýylda basyna oq tıip, jaralanǵan. Shabýyldy Malalanyń qyzdarǵa bilim berý kampanıasyna qarsy talıbter jasaǵan. Malala shabýyldan aýyr jaralanǵan, biraq Ulybrıtanıada emdelip, aman qaldy. Qazir sol elde turyp jatyr. Ózine qastandyq jasalǵaly beri ol álemdi aralap, qyzdardyń bilim alýyna múmkindik berýge shaqyryp keledi. 2014 jyly ol beıbitshilik salasyndaǵy Nobel syılyǵyn ıelendi.
