Dúnıejúzi boıynsha United Airlines áýe kompanıasynyń qaýipsizdik qyzmeti ushaqtan jolaýshylardy kúshpen shyǵaryp jatqan vıdeosy taraldy. Áleýmettik jelide  50 sekýndti vıdeo 100 myń ret bólisilgen dep habarlaıdy «Qamshy» aqparattyq agenttigi bbc-ǵa silteme jasap.

Ushaq Chıkagodan Lýısvıllge ushýy kerek edi. United Airlines Tvıtterde barlyq jolaýshylardan keshirim surady.

Vıdeony ǵalamtorǵa jarıalaǵan Djeız Anspa esimdi jolaýshy atalmysh kompanıanyń bıletti orynnan kóp satyp jibergenin jáne olar óz oryndaryn kompanıa qyzmetkerlerine berýge kelisetin adamdar izdedi. Alaıda keliskender bolmaǵannan keıin, kompanıa óz qalaýynsha adamdardy kúshpen shyǵara bastaǵan. Onyń ishinde azıattyq dáriger men onyń áıelin ushaqtan shyǵarýdy uıǵarady. Ol kelesi kúni jumysqa shyǵý kerektigin aıtyp, ushaqtan shyǵýdan bas tartqan. Soǵan qaramastan ony kúshpen shyǵaryp jibergen. 10 mınýttan keıin ol qaıta ushaqqa qansyrap kirgen.

Djeız Anspa jolaýshynyń qalaı betin jaraqattaǵanyn bilmeıtinin jazady. Ony soqqyǵa jyǵýy múmkin ekenin aıtady.

United kompanıasy Bı-bı-sı—ge  Chıkagodan Lýısvıllge ushatyn 3411 reısine kóp bılet satylǵanyn aıtqan.

«Bizdiń qyzmetkerler eriktilerdi tabýǵa tyrysty. Jolaýshylardyń biri óz erkimen ushaqtan shyǵýdan bas tartty. Sondyqtan qaýipsizdik qyzmeti shaqyryldy» dedi kompanıa ókili.

Qazir United kompanıasy óz tekserý jumystaryn júrgizip jatyr.