2017 jylǵy 11 sáýirde Qazaqstan Respýblıkasy Ortalyq saılaý komısıasynyń Tóraǵasy B.Imashevtyń EQYU baǵdarlamasynyń Astana qalasyndaǵy ofısiniń Basshysy Derd Sabomen kezdesýi boldy dep habarlaıdy "Qamshy" aqparattyq agenttigi.
2017 jylǵy 11 sáýirde QR OSK Tóraǵasy Berik Imashevtyń EQYU baǵdarlamasynyń Astana qalasyndaǵy ofısiniń Basshysy Derd Sabomen sońǵynyń ótinishi boıynsha kezdesýi boldy.
Ortalyq saılaý kommıssıasynyń Tóraǵasy kezdesýge qatysýshylardy Ortalyq saılaý komısıasynda jáne eldiń saılaý organdarynda ótip jatqan jumystarmen tanystyrdy. Bul jumystyń negizgi baǵyttary – saılaý zańnamasyn odan ári jetildirý jáne osy jyly ótetin Qazaqstan Respýblıkasy Parlamenti Senaty depýtattarynyń aldaǵy kezekti saılaýyna daıyndyq.
EQYU baǵdarlamasynyń Astana qalasyndaǵy ofısiniń Basshysy óz kezeginde kezdesýdi uıymdastyrǵany úshin alǵysyn bildirip, odan ári jemisti yntymaqtastyqqa senim bildirdi.
Kezdesýde sondaı-aq QR OSK músheleriniń 2017 jylǵy mamyrda Varshavadaǵy EQYU/DIAQB shtab-páterine EQYU/DIAQB usynymdaryn oryndaý mártebesine qatysty barýyn uıymdastyrý, 2017 jylǵy qazanda halyqaralyq konferensıany uıymdastyrý, sondaı-aq 2017 jylǵy qarashada halyqaralyq baıqaýshylarǵa arnalǵan jyl saıynǵy semınar-trenıngti uıymdastyrýǵa baılanysty máseleler talqylandy. Sonymen qatar kezdesý barysynda Ortalyq saılaý komısıasy men EQYU-nyń saılaý zańnamasyn damytý jáne jetildirý, Qazaqstan Respýblıkasynda saılaý prosesin demokratıalandyrý salasyndaǵy odan ári yntymaqtastyǵynyń baǵyttary talqylandy. Kezdesý sońynda taraptar dástúrli seriktestik pen yntymaqtastyq qarym-qatynastar keleshekte de óziniń jalǵasyn tabatynyna senim bildirdi.
